كيف خسرت أسماء 50 كيلو من وزنها بدون عمليات؟ (فيديو)
كشفت أسماء أبو الخير صاحبة الـ 21 عاما عن رحلتها في خسارة وزنها بعد أنا وصلت إلى وزن 67 كيلو جراما من أصل 120 كيلو جرام، قائلة: «أنا كنت بفطر في البيت وأنزل الكلية مع أصحابي وأتغدا طبقين رز».
وأضافت خلال حوارها مع الإعلامية منى الشاذلي في برنامج معكم منى الشاذلي قائلة: «أنا كنت عايشة في دولة من دول الخليج وباكل كبسة وماندي واتفرج على التلفزيون والجو العام هناك مكنش مساعدني أنزل الجيم ولا أعمل أي حركة».
واستكملت حديثها «أنا كنت في ثانوية عامة وكل الطلبة بتذاكر ومموته نفسها أنا كنت قاعدة وباكل وفي كل أكلة 10 سندوتشات».
وكشفت أسماء أبو الخير عن اللحظة التي قررت فيها فقدان وزنها قائلة: «مجموعة تراكمات عليا وكانت مشكلتي إني عاوزة اخس بسرعة في شهرين مثلا ومكنتش بستمر أصلا وأرجع أزيد تاني».
وتابعت: «السبب الحقيقي إلى فوقني لما روحت للدكتور جرحني جامد رغم إن الدكتور كان وزنه كبير أوي كان بيزعقلي ويقولي إنتي ارادتك زفت روحي اعملي عملية..قالي جملة واحدة خلتني لازم أخد قرار وأخس قالي دا منظر واحدة عندها 17 سنة نزلت من عنده والدنيا سودة في وشي».
وأضافت أسماء أبو الخير قائلة: «أمي كانت ضد فكرة العمليات خصوصا أنها دكتورة وعارفة مخاطرها قالتلي اعملي اي حاجة غير العمليات كانت بتقفل التلاجة بالمفتاح وبلاش تعملي عملية تغيري فيها شكلك».
وكشفت أبو الخير عن فقدانها ال 50 كيلو«مروحتش لدكتور ولا أخدت أدوية عملت نظام صحي وعملت رياضة في البيت فكنت بفطر شوفان ولبن خالي الدسم وعسل أبيض وبيض واتغدا بروتين وفراخ مسلوقة و8 معالق رز والعشا كان فاكهة وزبادي وبروح جيم 4 أيام في الأسبوع».
