أسما شريف منير لمهاجميها: «بلاش تشتموا أمي لإنها متوفية» (صور)

طلبت أسما شريف منير من متابعيها على مواقع التواصل الاجتماعي، التوقف عن مهاجمتها قائلة: «لكل شخص شتمني ولسه بيشتم وخاض في شرفي.. الله يسامحك بس أرجو بلاش شتيمة في أمي لأنها متوفية. .شكرا».

وتابعت من خلال صفحتها على موقع التواصل الاجتماعي فيسبوك: «لما لم أوفق في تعبيري عن أحد آراء شيخنا الجليل، أنتم شايفين إن الصح أني اتشتم كم الشتائم دي انا وأهلي هل الصح أنهم بينادوا بقطع اكل عيشي».

وتابعت: «هل الصح إني اتحاكم واتقتل واتشنق. .ده كلام بجد مش مجازاهل بنتي تتيتم عشان قولت كلمة لم اقصدها واعتذرت عليها ..محدش فاهم يعنى أيه تكون بتتهاجم بالعنف دا كله».

واستكملت أسما شريف منير حديثها: «فيه صحفيين مراعوش ربنا في كتابة الخبر كل اللي همه السبق الصحفي ..أنا اتعلمت كتير من الغلط واتصدمت كتير برضو». وختمت حديثها: «اتقوا الله وخلي في قلوبكم رحمة ومغفرة وحب وتسامح وربنا بيسامح كل اللي غلط توكلت عليك يارب وفوضت أمري ليك».