شقيق هيثم أحمد زكي في أول ظهور إعلامي.. ماذا قال؟ (فيديو)
قال شقيق الفنان الراحل هيثم أحمد زكي، رامي عز العرب المقيم بلندن وهو شقيق هيثم من والدته، إنه شعر بصدمه أثناء علمه بوفاة شقيقه.
وقال: «بابا كان عارف ومكنش راضي يقولي ولما قالي كان بالنسبالي كابوس وأسوء حلم، أنا عشت مع هيثم بعد وفاة والدتنا وكنت وقتها عندي 3 سنين كنا عايشين مع بعض في بيت جدتي».
وتابع خلال لقائه ببرنامج القاهرة الآن، المذاع على فضائية الحدث، «بعد كده بابا سافر لندن وخدني معاه مكنتش عاوز اسيب هيثم بس اضطريت أسافر عشان شغل بابا».
وأضاف شقيق هيثم أحمد زكي: «هيثم كان شخصية قوية وقلبه طيب وحنين وعاوز يبسط كل اللي حواليه الللي حصل لهيثم مش هين بعد وفاة أبوه وأمه وجدته وخاله وجده.. كل دا كان صعب عليه».
وذكر: «آخر مرة كلمته من 3 شهور على الفيسبوك وقالي أنه هيتجوز إنجي وهيجي يعيش معايا في لندن ونشتغل سوء.. هو عارف أنا بحبه إزاي وكان نفسي أكون شبهوا».
