تامر أمين: «الفنان رامي جمال يتعرض للتنمر من أشخاص لا يراعون حرمة المرض» (فيديو)

علق الإعلامي تامر أمين، على إصابة المطرب الشاب رامي جمال، بمرض البهاق، عقب ظهور بقع بيضاء اللون في مناطق بجسده، ولم يستطع علاجها.

وقال أمين خلال تقديم حلقته ببرنامج آخر النهار، المذاع على قناة النهار، مساء الثلاثاء، «لازم نصبر على الابتلاء وبنا يشفيك، ومينفعش حد يسخر منه، بعد إصرار عدد من أصدقائه على ترك مهنة الغناء، والجلوس فى المنزل لصعوبة ظهوره مجداد وهو مصاب بهذا المرض».

وأضاف مقدم برنامج آخر النهار، «في بعض الناس السخيفة لا تقدر حرمة مرض أو موت وسخرت منه، وكلامها ساقع أوي، ويجب تغييرهذه السلوكيات السخيفة».

وأكمل أمين، «ما يحدث مع رامي جمال تنمر، ويحاول بعض الناس التريقة على العيب الخلقي، وهدفهم تحطيمه دون مراعاة مشاعر ذلك الشخص، وبعد نشر بوست المرض حدث معه حالة حب كبيرة من الجمهور لم تحدث  بسبب أغانيه».

نشر الفنان رامي جمال، عبر حسابه الشخصي بموقع «فيسبوك»، رسالة يرد بها على حملات التعاطف معه، بعد إعلان إصابته بمرض البهاق، كتب: «الحمد لله اولا وأخيرا».

وكتب عبر صفحته: «أنا عايز أقول كلام كتير عن اللي شوفتو منكم كلمه شكرًا قليله علي مشاعركم وعلى رقي كلامكم وعلى الوقت اللي ضيعتوه علشان تحسنو الصورة المظلمة اللي كانت في عيني انا بقيت شايف الابتلاء ده هديه من ربنا علشان اشوف الحب ده والله دموعي مبتقفش وانا بشوف كلامكم اوعو تبخلو علي اَي حد بدعم نفسي زي اللي دعمتوني بيه احساس الحب بينور الدنيا بيرجع الروح والأمل اللي انتو عملتوه ميتقدرش».

وتابع رامي جمال: «ثانيا عاوز اشكر زملائي الفنانين علي كل كلمه حلوة وكل دعم شفته هي دي الروح اللي نفسي تفضل موجوده مش بس بعد المرض ولا الوفاه الكلام الحلو قولوه علطول ليا ولغيري بيفرق جدا الحب بيغير الضلمة لنور ثالثا لكل القنوات اللي بتحاول تتواصل معايا من امبارح علشان تطمن عليا بشكركم جدا بس أنا كتبت البوست ده علشان انهي حمل علي قلبي».

وأضاف: «مش علشان ابقي تريند بشكركم طبعا بس اتمني لما تقررو تستضيفوني يبقى على عمل فني مش مرض مقدر شغلكم طبعا بس انا مش قابل فكره مريض انا الحمد لله اتأكدت بكلام الناس اني مش خايف ومش هترفض فبلاش اَي حاجه تتفهم غلط شكرًا علي اهتمامكم ومقدرو واشوفكم في لقاءات فنية بعد نزول ألبومي ده أفضل نفسيا كتير ليا ومفيش مانع ساعتها نتكلم عن اني ازاي تعايشت بيه وهتعايش بيه لو ليا عمر الحمد لله علي الابتلاء».

وذكر: «الحمد لله علي حبكم ودعمكم ده دين هعيش بيه خلصتوني من سجن كنت عايش بيه كنت بصحي قبل ما اغسل وشي اعد البقع واشوفها زادت ولا لا انهارده صحيت نزلت وحبيت المحنه اللي ورتني قلوبكم وجمالها شكرًا من قلب قلبي».

يشار إلى أن المطرب الشاب رامي جمال، أعلن عن إصابته بمرض البهاق، عقب ظهور بقع بيضاء اللون في مناطق بجسده، موضحا: «أنه ذهب لعدد كبير من الأطباء إلا أنهم لم يجدوا حلولًا لها».

وتعاطف مع رامي جمال عدد كبير من الفنانيين والمتابعين على مواقع التواصل الاجتماعي، داعين الله له بالشفاء.