حكيم يطرح أغنيته الجديدة «سيبونا في حالنا»
طرح الفنان حكيم أغنيته الجديدة «سيبونا في حالنا» اليوم السبت، عبر قناته الرسمية على موقع يوتيوب.
كلمات الأغنية من تأليف عصام حجاج وألحان تامر حجاج وتوزيع إسلام شيبسي وميدو مزيكا.
كلمات أغنية سيبونا في حالنا
وتتضمن كلمات اغنية «سيبونا في حالنا»: «مركزين في حياتنا أكتر مننا.. مستكترين علينا نعمة ربنا عينهم مابتسيبناش ولا لسانهم رحمنا.. معرفش ليه ليه كارهين راحتنا وفرحنا.. سيبونا في حالنا سيبونا في حالنا.. عينكم جابت أجلنا».
«الرحمة حلوة وكفاية اللي جرالنا.. شكرا على حسن المتابعة وعلى الخداع وعلى الملاوعة لحد كدا متشكرين.. شكرا اوي على الاهتمام عنيكم خلصت الكلام».
«ممكن بقى نفصل يومين.. سيبونا في حالنا سيبونا في حالنا.. عينكم جابت أجلنا الرحمة حلوة وكفاية اللي جرالنا طول ما انت ماشي في دنيتك هتلاقي خلق في سكتك سواد قلوبهم مش طبيعي مستخسرين فيك ضحكتك».
«كتلة أذى متشكلة في هيئة بشر.. ناس كارهة غيرها وكارهة حتى نفسها.. ناس غاوية نبر وعينها دي تفلق حجر.. لو شافوا نعمة علينا بيبان غلها.. سيبونا في حالنا سيبونا في حالنا.. عينكم جابت أجلنا الرحمة حلوة وكفاية اللي جرالنا شكرا على حسن المتابعة.. وعلى الخداع وعلى الملاوعة.. لحد كدا متشكرين شكرا اوي على الاهتمام عنيكم خلصت الكلام.. ممكن بقى نفصل يومين سيبونا في حالنا سيبونا في حالنا عينكم جابت أجلنا الرحمة حلوة وكفاية اللي جرالنا».
