رامي صبري: «ماينفعش التريند يبقى مهرجانات»
علق الفنان رامي صبري على انتشار المهرجانات الفترة الأخيرة وحب الجمهور لها.
وكتب على صفحته الشخصية على موقع التواصل الاجتماعي «فيسبوك» منشورا قائلا: «هي الناس ما بقتش بتسمع كويس ليه هو الجمهور اتغير لدرجة أن شغل المهرجانات بقا بتسمع أكتر من الأغاني هو ايه اللي حصل».
وتابع: «يعني ياريت الجمهور يقدر المجهود والشغل المحترم اللي احنا بنعمله مينفعش التريند يبقى مهرجانات! عيب».
وتفاعل متابعيه مع المنشور الذي كتبته فمنهم من يوافقه الرأي، ومن يحب المهرجانات.
وعلقت أمنية القصار على المنشور قائلة: «أهو دمك التقيل دا اللي مش مخليك تريند».
بينما تابع إسلام محمد: «يا رامي الناس بقا عندها حالة قرف والبلد مش ناقصة إحنا عاوزين نطنطط ونفرح ونرقص إعملنا واحدة شعبي بقا وعيب متتعيبش في شغل وقيمة أي حد مهما كان».
بينما أضاف أحمد سامي قائلا: «وانت يعني أمين مخازن الرقي في الكوكب؟ مش من حق حد ينظر على الناس ولا يتحكم في ذوقهم. . لو عندك شيء كويس الناس سمعتك لوحدها من غير ما تستجدي اهتمامها».
