الفنانة صابرين تنهار بالبكاء: «مش طرحة اللي هتدخلني النار» (فيديو)
انهارت الفنانة صابرين في البكاء بسبب التعليقات السلبية من منتقديها بعد نشرها صورة وهي بشعرها دون الحجاب.
وقالت في مداخلة هاتفية في برنامج«الحكاية» مع عمرو أديب: «أنا عايزة اتصالح مع نفسي ليه كدا.. دفعتي كام عشان تعملي في شعرك كدا ..أغرب تعليق جالي بعد الصورة.. انا عندي رجالة جوزي وولادي وبزعل من الكلام اللي بيشوفوه عني ربنا هيعذبني عشان طرحة».
وتابعت الفنانة صابرين: «أنا كنت مكتئبة الفترة الأخيرة محدش هينزل معايا القبر أهلي وجوزي وعيالي موافقين وحاسين أني زعلانة نفسيتي كانت تعبانة وأنا مش هعمل كدا عشان شغل أنا كل سنة شغالة وكنت مكسرة الدنيا السنة إللى فاتت مع علي ربيع».
وتابعت باكية: «أنا مكنتش مجحبة انا كنت محتشمة لابسة التربونة. . ربنا يكرمني وأبقى أد مستوى الحجاب وأنا من غيره عموما أنا قلعت التربونة مش الحجاب وفيه فرق بينهم وتعبت جدا من الناس ولما بعمل عمل يسيبوا العمل والدور ويتكلموا عن الباروكة انا كنت مقسومة نصين وفي حالة تناقض وكنت طول الوقت بتشتم من الناس رغم اني طول عمري يعمل أدوار محترمة وربيت ولادي تربية محترمة».
الفنانة صابرين من غير حجاب
ونشرت الممثلة صابرين، مساء أمس الأحد، صورة لها على تطبيق تداول الصور «إنستجرام» بدون حجاب للمرة الأولى منذ سنوات طويلة.
وظهرت صابرين في الصورة المأخوذة لها عن قرب بشعر أصفر ودون حجاب، ويتبين بالتدقيق في الصورة أنها لا ترتدي «باروكة» وإنما هو شعرها الحقيقي.
وتستعد صابرين للعودة للأعمال الاستعراضية والغنائية مجددًا من خلال مسلسل جديد ستخوض به الموسم الرمضاني المقبل، وسيقوم ببطولته مجموعة كبيرة من الفنانين الشباب، وستعلن عن كل تفاصيله خلال الفترة المقبلة بعد الانتهاء من قراءة سيناريو العمل، واختيار كل أبطال العمل والتحضير الفعلي لتصوير المسلسل.
يذكر أن آخر ظهور للفنانة صابرين، كان عبر فضائية قناة On E، في برنامج «أنا وبنتي» تقديم الفنان شريف منير وابنته أسما.
