ريهام سعيد تنهار بالبكاء: «أنا أصبحت بقايا بني آدم.. ليه نهايتي تكون كد؟»
نشرت الإعلامية ريهام سعيد مقطع فيديو عبر صفحتها الشخصية على موقع «انستجرام» وتحدثت فيه عن أزمتها الأخيرة بعد وقف برنامجها.
وقالت: «أنا اعتزلت الإعلام .. مستحقش كدا وشايفة العقوبة دي مستحقاش فيه إعلاميين كتير بيغلطلوا ومبيحصلهمش كدا، والناس اللي شايفة أني حصرت نفسي في الخير ومبعرفش أعمل حاجة غيرها بقولهم لا». وتابعت ريهام سعيد: «أكيد بعد الفترة دي محبتش تكون نهايتي كدا حتى لما بتسيب شغلك بيكرموك خصوصا لو فاهم ومخلص وشاطر.. أنا اتظلمت وبعيش فترة مش لطيفة».
وأضافت «مش عشان بعيد لكن عشان حاسة أني قدمت كتير اووي من عمري وتلاقي تاريخك اتحصر في أزمة فتاة المول ولا حلقة العفاريت ولا السمان اللي أنا طول عمري بجري عشان اجبلهم دكاترة جراحة واشوفلهم مستشفيات تعالجهم».
وتابعت سعيد «أنا عملت حاجات عظيمة كانت رقم واحد في مصر لما بسافر برا بلاقي كل الجاليات المصرية والعربية عارفني وحافظين حلقاتي.. أما تقديري هاخده من ربنا بس الفترة دي صعبة عليا حتى لو مرجعناش يبقى ربنا رايد لينا الخير».. «انا دالوقتي بحارب عشان أعيش حياة طبيعية انا بقيت بقايا بني آدم ومش مكسوفة اني بقول كدا.. أنا بصحى الفجر بقول لربنا ياخد ب حقي من كل حد ظلمني».
