هجوم على «بيكهام» لاعب منتخب مصر الأولمبي بعد تصريحاته عن محمد صلاح
علق لاعب منتخب مصر الأولمبى، أحمد رمضان بيكهام، عن موقف زملائه من انضمام 3 لاعبين من الكبار في القائمة المشاركة ببطولة أولمبياد طوكيو 2020.
وقال أحمد رمضان بيكهام في تصريحات تلفزيونية عبر قناة «تايم سبورتس»: «تحدثنا في المعسكر عن انضمام اللاعبين الكبار في الأولمبياد، وأن هذا ليس وقت الحديث عن هذا الأمر».
وأضاف: «نحن بطل إفريقيا دون الثلاثة لاعبين الكبار، لمدة 6 سنوات كنا مع بعضنا البعض، منذ منتخب الشباب».
وذكر: «مستوانا الفني في تزايد ومتبقي لنا ستة أشهر على البطولة والمستوى سيكون في تزايد أكثر».
وأشار: «محمد صلاح أفضل لاعب في العالم وسيزيد من قوتنا بشكل مؤكد، ولكن لا نريد أن يتعرض أحد منا للظلم، لأنه سينضم على حساب لاعب آخر».
وأتم: «القرار يعود لشوقي غريب، وأتوقع أن يختار لاعبا أو اثنين فقط ووارد أن يقوم باختيار صلاح».
ونجح منتخب مصر في الفوز بالبطولة القارية للمرة الأولى في تاريخ الكرة المصرية، بعد التغلب على منتخب كوت ديفوار بنتيجة 2-1، بالإضافة للتأهل إلى أولمبياد طوكيو 2020.
تصريحات أحمد بيكهام أثارت كثير من ردود الأفعال، والتي جاءت كالتالي:
كيرو نادي قال: «هو اي ظيطه وخلاص يا بني احنا كاسبين امم افريقيا بطلوع الروح ف اخر ماتش واخر جول ف اخر دقايق انت عشان معاك عامل الارض والجمهور كنت بتلعب وتأدي لكن تيجي تتكلم ع الجانب الفني ناقصك كتير ي حبيبي الحارس بتاعك مستواه الفني ع قده.. نص الملعب عاوز يتدعم بحد خبره وصلاح هيفرق اوي بدل حاجة مجدي والله ما فاكر اسمه كان يشلني علي طول.. لا مهاره ولا سرعه ولا نيله يعني الباك اليمين بتاعك مقتول.. اهدي ع نفسك وقول هديت بلاش الثقه الزياده دي».
عمر سعد طالب بيكهام: «يبنى بطلو هبل بقا ما تريكه راح طلع حد ساعتها قال هنتظلم وحقنا.. دا صلاح ظهر اصلا علشان كان فى تريكه اهدو كدا مش علشان خدتو بطوله هتقرفونا».
محمد حمدي اعتبر: «كلامك غلط طبعا لو رايح عاوز تنافس علي ميداليه لازم يكون معاك لعيب بحجم صلاح غير كده اخرك دوري مجموعات».
خال عبدالناصر اتهم رمضان صبحي قائلا: «صدقونى اللى متزعم الحركة دى رمضان صبحى خوفا من وجود صلاح واكيد فى ناس تانية ليها مصالح شخصية .. وياريت كابتن شوقى يوقف المهزلة دى.. لو استمر الوضع يبقى يعوض ربنا علينا».
عماد سلام يرى: «انت حاتلاعب فرق ضامه الثلاثه الكبار بتوعهم وحاتتقطع منهم اكيد... فلازم تضم ناس تقيله وخبرة عشان تعملك توازن للفريق. وصلاح وجوده في أرض الملعب كفاية يلخبط اي دفاع ويخفف عنك الهجوم المستمر».
أحمد راجح قال: «معلش صلاح لما كان قدك وراح الاولمبياد دي مقالش كدا ليه على أبو تريكه وفتحي ومتعب، في زيطه غير منطقيه من الفرقه دي مهما كان مش دا أسلوب الحوار وطرح الموضوع وانتو كلاعيبه ملكوش فيه».
