السيسي: «حكايتنا مش شبكة طرق صرفنا 4 تريليون جنيه للمشروعات في مصر» (فيديو)

كشف الرئيس عبدالفتاح السيسي، عن أن تنمية منطقة شرق بورسعيد كان مطروحا منذ 15 عاما، لكنه تأجل العمل فيه بسبب حجم الأموال الكبيرة المطلوبة التي كانت مطلوبة لتنفيذه، مؤكدا على أنه تم انفاق 4 تريليون جنيه على قطاعات المشروعات في مصر.

وقال الرئيس خلال افتتاح عدد من المشروعات القومية فى محافظة بورسعيد: «لما المشروع ده اطرح من 15 سنة طب ما اتعملش ليه علشان هو كان مطلوبله بنية أساسية تخدم عليه ومنها الأرض اللي في شرق بورسعيد».

وذكر السيسي: «معرفناش نعمله علشان كان محتاج أموال كتيرة وكان قدامنا خيارات نعمل الشغل ويبقى فيه شغل لولادنا ولا نقول احنا عملنا وميبقاش فيه متطلبات تنجح المشروع».

وأعلن الرئيس السيسي أن تكلفة محور 30 يونيو بلغت نحو 8.5 مليار جنيه، قائلا: «بصوا على كل شبكة الطرق اللى موجودة دلوقتى اللى جاية من القاهرة والسويس والسخنة سواء كانت طولية أو عرضية، المحاور شرق القناة حجم عمل ضخم جدا وبتكلفة كبيرة».

وأضاف: «الهدف من شبكة الطرق تهيئة النجاح للمنطقة الاقتصادية اذا كنا عاوزين نعمل 4 مناطق صناعية ولتسهيل حركة النقل من المنطقة واليها.. تم انفاق أموال ضخمة جدا فى المنطقة تصل لـ 150 مليار جنيه».

وأشار السيسي: «مفيش قطاع من قطاعات التنمية في مصر اللى واقتحمناها، واوعو تتصورا يا مصريين إن حكايتنا شبكة طرق، ولكنها جزء متواضع الهدف منه التأكيد على أن المصريين ماشيين على الطريق الصحيح».

كما أوضح الرئيس السيسي: «إنشاء مزارع سمكية في المنطقة الاقتصادية ببورسعيد تمت على مساحة 19 ألف فدان، وحتى يتم استصلاح هذه الأرض السبخة الكيلو فيها كلفنا مئات الآلاف».

حسين السنوسي

صحفي مصري متخصص في الشأن الطلابي، رئيس قسم الجامعة بموقع شبابيك، متابع لأخبار التعليم ومقيم بمحافظة الجيزة

ميكس ميديا