مدينة الرحاب تنتفض بسبب «تعلب ماشي في الشارع».. هكذا سخر منهم المئات
استغاثت المواطنة «روشا علاء» أحد ساكني منطقة الرحاب بشرق القاهرة وأرسلت رسالة تشكو من تواجد ثعلب بجوار النادي الخاص بالمنطقة.
وقالت في رسالتها التي تداولتها صفحة أخبار سكان مدينة الرحاب: «الصبح وأنا في نادي الرحاب ناحية التراك الجديد امتداد النادي قرب بوابة رقم 11 شوفت تعلب كان موجود في النادي وخرج من سور النادي».
وتابعت صاحبة رسالة الاستغاثة: «ارجو أن الجهاز وإدارة النادي يتعاونوا في أنهم يزيلوا خطر وجود حيوانات زي كدا ممكن تهدد حياة أطفالنا أو حياة الكبار نفسهم أنا كنت خايفة وأنا بصورو».
ولاقت رسالتها المنشورة على صفحة أخبار سكان مدينة الرحاب المئات من التفاعلات والتعليقات، وعلق مئات المواطنين من محافظات محتلفة بشكل ساخر ومضحك.
فعلقت هايدي حازم «أنا عايشة في إنجلترا وكل يوم بأكل التعالب في جنينتي عمرهم ما بيأذوا حد ولا بيعملوا حاجة لحد وبيخافوا من البني آدمين».
فيما تابع محمد كشك: «مفيش حاجة تستدعى الخوف الله يرحم الحاجة فاطمة تعلبة».
وأضاف حسام «ما تخافيش ده زي القطط بالظبط لما كنا في الصحراء كنا بنسيبلهم بواقي الأكل يجوا ياكلوا».
وشرح عبده شرف من السويس المعلومات التي يعرفها عن الحيوان، «ده اسمه ابو الحسين وبياكل الحاجات الميته وبيهرب من الانسان ولو حاولت تمسكه بيطلع ريحه مقززه جدا كدفاع عن النفس وعلى فكره تمنه غالي».
