عبير صبري: أتمنى من ربنا يتقبل فترة حجابي (فيديو)

قالت الفنانة عبير صبري إنها سعيدة بالفترة التي ارتدت فيها الحجاب وتتمنى من الله أن يتقبل منها فترة حجابها.

وأضافت خلال لقائها في برنامج «أسرار النجوم» التي تقدمه انجي علي على نجوم إف إم قائلة: «أنا عملت تجربة شخصية بحبها لأن البني آدمين عايشين في الدنيا وفي الآخرة كمان.. عملت حاجة حلوة بس ربنا يقبلها منك دا مهم».

وأضافت عبير صبري «واللي يقول بسبب اختيار في حياته أنه اتعطل في التمثيل لأ ظط.. أصل أنا مش ممثلة بس لأ أنا ليا حياتي الشخصية ليا أفكاري».

وتابعت: «فترة حجابي كان وقتها عاوزة اتقرب من الدين وعاووة اعرف فعملت كدا.. اتعطلت في التمثيل ماشي لاني مش هتحسب عند ربنا ممثلة بس..أنامش ندمانة واتمنى ربنا يتقبلها مني.. ومش شايفة نفسي اتأخرت في التمثيل ولا حاجة».

وأضافت «أنا شايفة نفسي ممثلة جيدة عشان بتقن دوري كويس وبعمله باحترافية وأنا عملت أدوار كويسة».

وتستعد الفنانة عبير صبري لتصوير فيلم طلعت حرب 2 مع الفنان عمرو سعد ومن إخراج مجدي أحمد علي.