السيسي للمصريين: «انتوا معندكمش حلم؟»
انتقد الرئيس عبدالفتاح السيسي، حجم العمل في مدينة الأثاث الجديدة بدمياط، قائلا: «لما مدينة الأثاث اتعملت كنت بحلم أننا ندخل عالمية الأثاث مش محلية الأثاث».
وقال في افتتاحه عددا من المشروعات التنموية، اليوم الثلاثاء: «إيه يا أهل يادمياط، معندكمش حلم، هي الناس بطلت تحلم.. أنا بتكلم جد، وتجري على حلمها، إيه ده أنا بتكلم عن كل المصريين».
وأضاف السيسي: «اللي بيحصل دلوقتي في كل حتة كان حلم حلمته من زمان أووي، العشوائيات كان حلم وأنا صغير من 30 أو 40 سنة إنه لا يمكن يكون في ناس في الشارع كده، ولما بقيت في المكان ده جريت على حلمي وحققته، هنا الناس لازم تجري على حلمها تسأل، المفروض كان نصحي 5.30 وعلى 12 تكون اشتغلت 6 ساعات».
ويفتتح السيسي اليوم الثلاثاء عددا من المشروعات التنموية، منها مدينة دمياط للأثاث، ومحطة متعددة الأغراض بميناء دمياط في حضور كبار المسؤولين في الدولة.
ويفتتح الرئيس أيضًا عددًا من الوحدات السكنية ومركزًا للتعليم المدني، وفندق اللسان الذي يعتبر أول فندق 5 نجوم في منطقة الدلتا.
