مستشهدا بـ 2011.. توجيه من السيسي لتوعية الشباب بخطورة «تحركات هدم مصر»
وجه الرئيس عبدالفتاح السيسي، المسئولين في الدولة المصرية، بتوعية الشباب حديثي السن، بخطورة التحركات التي أكد أنها تهدم استقرار البلاد.
وقال السيسي خلال افتتاح عدد من المشروعات بدمياط، اليوم الثلاثاء: «محتاجين يبقى عندنا مناعة من إن حد يخلينا نهد بلدنا ويدمرها وهفضل أكررها علشان أبقى قدام ربنا عملت اللي عليا مع الناس في مصر وفهمتهم قد ايه خطورة أي تحرك».
وتابع: «الدولة بتبذل جهد جبار علشان تحل المشاكل وعلشان تقنعكم يا مصريين إننا بنتحرك بمعدلات الناس كلها تقولك هو مستعجل كدا ليه؟ هو انت كل ما تكلمنا تقولنا الكلام ده ايوه كل ما أتكلم هكرره».
وأضاف: «أتمنى من كل المسئولين يكرروه علشان المناعة للشباب الصغير اللي عنده 16 و17 و18 سنة واللي كان عنده في 2011 10 سنين ومشفش وميعرفش فالتوعية مش مبنية فقط على مدة زمنية للناس اللي حضروا وفهموا المخاطر».
وقال: «التوعية تكون في الجامعة والمدرسة والمسجد والكنيسة نقولهم البلد البلد البلد.. مصر بينا باستقرارنا ممكن نعمل كتير ولو حد سأل في حاجة دلوقتي؟ والله ما في حاجة مصر زي الفل».
