أحمد سعد يصف زواجه من سمية الخشاب وريم البارودي بـ«الغلطة» (فيديو)
وصف الفنان أحمد سعد زواجه من الفنانة سمية الخشاب وريم البارودي بـ«الغلطة»، معلنا أنه ارتكب أخطاء ومنها اختيار شخصيات صعبة.
وأضاف خلال حواره ببرنامج «ام بي سي تريندج»، «لما بطلع من اي مشكلة بشوف نفسي انا غلطت في أيه.. وطلعت غلط فيحاجات مكنش وقتها».
وتابع أحمد سعد: «كان فيه حاجات مكنش ينفع اهتم بيها المفروض كان اهتم بشغلي والناس تشوفني في الوقت الجاي شغل وبس».
وعن أزمته مع زوجته السابقة سمية الخشاب وإصدار حكم عليها، قال: «المشكلة كان فيه شيك المفروض تصرفهولي فحصل بينا مشكلة روحت اصرفه اترفض.. وبعدين هي عملت مشكلة وأنا عملت مشكلة، بعدها روحت قدمت الشيك للمحكمة وبعدها جت قالتلي لأ هنحلها ودي.. وعملنا كدا في وسط ناس كبيرة واتفقنا هي تتنازل عن كل حقوقها وأنا كمان اتنازل. . بس هي اتأخرت في الرد عليا والقضية اصلا كانت شغالة ونزلت بسرعة واتحكم فيها».
وتابع سعد: «أنا زعلت جدا ان دا حصل بالسرعة دي وبتقولي أنت عارف بالقضية وأنا ما انكرتش وهي كمان عارفة بس المحامي بتاعها المفروض كان هيتابع».
وأضاف «أنا كنت مسافر وهي كمان مسافرة واتفاجئت من السوشيال ميديا بحبس سمية.. أقسم بالله العظيم ما كنت اعرف أبدأ أنها هتحدد جلسة..بعتلها مسدج قولتلها معرفش والله.. وهي فضلت تنزل على السوسيال ميديا .. وقولتلها نحله ودي وهي مصممة أنها تحله في المحاكم».
وعن زواج الفنان أحمد سعد مرة ثالثة علق «أنا معنديش عقد والله بس لو هتجوز هيكون بعيد عن السوشيال خالص».
