اعترافات قاتلة أطفالها بدمياط: «خنقتهم ونمت جنب الجثث علشان اتطلق»
روت ربة المنزل المتهمة بقتل أطفالها الثلاثة في مدينة دمياط عام 2015، تفاصيل الواقعة التي أقدمت على فعلها للطلاق من زوجها.
وقررت محكمة الجنايات يوم الأحد الماضي، إحالة أوراقها إلى مفتي الديار المصرية، تمهيدا للحكم عليها بالإعدام شنقا بتهمة القتل العمد مع سبق الإصرار والترصد.
وقالت «س. أ. يوسف» يوسف في تحقيقات النيابة حينها إنها قبل الواقعة بشهر ونصف تقريبا تعرفت بشاب على الإنترنت، وبعد طلبه رؤيتها وعدم تمكنها من ذلك طلب قطع العلاقة بينهما حتى لا يفتضح أمرهما ما دفعها للتفكير في طلب الطلاق.
وأضافت: «كان في مشاكل بيني وبين جوزي تامر من قبل ما اعرف محمد، وكان جوزي يتخانق معايا لأتفه الأسباب، وقررت أني انفصل عنه وفكرت في الطلاق، بس فكرت أنهم هيرجعوني تاني ليه عشان العيال، وبعدين فكرت أن لو العيال راحوا لباباهم هيرجعهم ليا تاني، وقولت لو حصل لهم حاجة زي أنهم توفوا هيبقى سهل أننا ننفصل».
وتابعت: «في يوم 13 مارس 2015 ولادي التلاتة مهند ونور ونادين، نزلوا يلعبوا في الشقة اللي تحت عند جدتهم زي كل يوم، وأنا قعدت أفكر من الصبح هعمل إيه، واتعشوا وناموا، وكانت الساعة تقريبا 10 بالليل».
وواصلت: «استنيت لما نامت نادين وحطيت التي شيرت على بوقها ومناخيرها ومسكت إيديها ولفيت عليها طرحة فوشيا كنت لابساها عشان متتحركش وتحرك إيديها، ومسكت إيديها كمان وفضلت أعمل كده حوالي 10 دقايق، وهي فضلت (ترفص) بالراحة ولما لقيتها سكتت، شيلت التي شيريت ولقيت رغاوي نازلة من بوقها، ومسحتها بمنديل».
وأكملت: «بنتي نور سبتها لحد ما نامت وعملت زي اللي عملته مع أختها، ولفيت أيديها بنفس الطرحة، وحطيت التي شيرت بتاع مهند على بوقها ومناخيرها، بإيدي اليمين لمدة 10 دقايق، وفضلت ترفص وبعد كده سكتت، وشلت التي شيرت، لقيتها مطلعة رغاوي، ومسحت الرغاوي بمنديل ورق، ونيمتها جنب نادين وغطيتهم».
وقالت: «مهند نام عند جدته خدته وطلعت الشقة ودخلت الأوضة نيمته على سرير جنب سرير أخواته، وغطيته كله باللحاف، ونمت جنبه ولقيته كده، وأخدته في حضنى لغاية ما ينام ويروح في النوم، وضغطت من فوق اللحاف على بوقه ومناخيره، وهو فضل يرفص كده أصعب من أخواته، وفي الآخر سكت، وشلت اللحاف من عليه لقيت في رغاوي طالعة منه ومسحتها بالمنديل، وغطيته».
وأضافت: «بعد 10 دقايق لقيت جوزي داخل الشقة وغيّر هدومه، ودخل الأوضة وسألنى على نور وقلتله نامت، قالي أصلي مشوفتهاش النهاردة، قلتلته جبتهم من تحت نايمين وابقى شوفهم الصبح، وطلب مني يكون في جماع وكده، وأنا قولت لا عشان تعبانة، راح ضاحك وقال ماشي وقعد شوية قدام التلفزيون، وأنا سبته ودخلت نمت جنب جثة مهند، وندمت على اللي عملته، وبعدين نمت».
وأوضحت أن أمرها انكشف بسبب ملاحظة شقيق زوجها ظهور علامات غير طبيعية على الجثث تشير أنهم ماتوا بفعل بفاعل، إلى أن حضرت قوات الأمن وكشفوا أمرها.
