كلمة مؤثرة للفنان أحمد حلمي بمنتدى شباب العالم (فيديو)
قال الفنان أحمد حلمي، إن الشعار الذي يجتمع عليه كل شباب العالم داخل الأراضي المصرية، الإنسانية وليس الاختلاف قائلا: «مش مهم اسمك أو لونك أو إنت مين، وإنت ليك دين وأنا ليا دين، بس الحقيقة المؤكدة إننا نقدر نعيش»
وأضاف حلمي، خلال مشاركته بفعاليات الجلسة الافتتاحية لمنتدى شباب العالم، «أنا مانسيتش اسمي ولا جنسيتي ولا هيفرق أوي إني أقول اسمي أو جنسيتي في معنى الكلام اللي أنا عايز أقوله وأوصله لكل العالم».
وتابع حلمي، «زي مثلا إني إنسان، هل معناها هيختلف لو قلت أنا إبراهيم أو جورج؟..هل هتفرق من إنسان لإنسان تاني لو كانت ديانتهم مختلفة عن بعض؟..هل هتفرق أو هتحلو لو قالتها ست عن ما راجل يقولها؟، أنا شايف إنها هتفرق وهتحلو، ومعلش أنا نصير الستات».
وأكمل حلمي، «رغم اختلافنا كبشر إلا أن الله جمعنا على شيء واحد وهو الإنسانية التي تجعلك تتقبل الآخر وتتعاطف معه وتفهمه مهما كان مختلفا عنك، وإحنا متجمعين في قاعة واحدة، ودي حقيقة مؤكدة إننا نقدر نعيش».
