«المحجر» و«الأستيك» للجميع.. دليلك في موضة 2016
تتغير موضة البنطلونات كل عام، ويبقي «الجينز» هو ملك البنطلونات والأساسي لدى أغلب الفتيات. ظهر بالعديد من الأشكال والألوان، وترتفع أسعاره في محال العلامات التجارية.
ولأنه جزء لا يتجزأ من دولاب الفتيات.. «شبابيك» تقدم لك أحدث صيحات الموضة في البنطلونات وبأسعار في متناول أيدي الجميع.
«المحجر»
بنطلون جينز لونه مش صافي، عبارة عن «نغمشة» لنفس اللون بدرجة أفتح، متوفر بألوان «كحلي، ولبني، ورصاصي» ويمكن تنسيقه على اللبس الكاجول، خاصة اللون اللبني، وفي حالة ارتداءه بـ«كلاسك استايل» اللون الكحلي يتألق مع «البليزر».
البنطلونات متوفرة بخامات جيدة في محل «أبناء علي أبو اليسير» في وكالة البلح علي الشارع الرئيسي بعد شركة الكهرباء، وأسعارها تبدأ من 75 جنيه لحد 110، وكمان في سلسلة «كارينا» بـ150 جنيها.
عشان تعرف عنوان فروع سلسلة «كارينا» اضغط هنا
«الأستيك»
بنطلون «الأستيك» هو بنطلون من غير زراير أو كمر، هو مجرد «أستك» على الوسط، وسهل في ارتداؤه.
البنطلون في «سنتر الحرم الشريف» علي الشارع الرئيسي لوكالة البلح – بداية الوكالة من محطة مترو محطة جمال عبدالناصر- وسعره 75 جنيها، وفي «أبو غالية»- تاني ممر من الشارع الرئيسي للوكالة- بسعر 85 جنيها.
وكمان في أول شارع عباس العقاد- مدنية نصر- وخصوصًا سلسلة محلات «كارينا» وسعره يبدأ من 150 جنيها، وفي محلات اللبس سعره يبدأ من 180 جنيها.
«هاي ويست»
أشتهر البنطلون في فترة السبعينات وهو عبارة عن مجموعة زراير في منتصف البنطلون بشكل طولي أسفل بعضها، إلا إنه في موضة 2016 ظهر من جديد دون خطوط جانبية كما تعودنا عليه.
البنطلون متوفر في أغلب محلات اللبس بألوان الكحلي ودرجاته الفاتحة والغامقة، يوجد في أماكن بنطلون «الأستيك» ودي سبق وذكرناها، وسعره 85 جنيها، وفي محلات اللبس بأول شارع عباس العقاد بيبتدي من 135 جنيها زي محل «pouse» ومتوفر بماركات مختلفة.
«البوي فريند»
يختلف في شكله عن بنطلونات الجينز «slam» الضيقة من «أنكل الرجل» ويسهل معرفته لأنه يتسع من أول الوسط بطول الرجل كلها، ويوجد في «الوكالة» بداية من 75 جنيها، وكمان موجود في شارع ضياء بفيصل بداية من 65 جنيها، والبنطلون يناسب الفتيات ممن لا يرغبن في إرتداء بنطال ضيق، وفي الأغلب ملابس الـ«فورمال»، كما يتوفر أيضا في منطقة أول عباس ويبدأ سعره من 150 جنيها.
البنطلون الصوف
في صيف 2014-2015 ظهرت موضة البنطلونات الـ«ليجن» القماش، وموضة شتاء السنة 2016 ظهرت بنطلونات «ليجن» صوف سادة وكروهات ومشجرة، ويمكن أن ترتدي عليه «سويت شيريت» أو بلوزة طويلة مع جاكيت جلد.
تتوفر البنطلونات الصوف القماش في محل «ميس إيمي» أمام محطة حدائق المعادي علي يدك الشمال من المحطة، وسعره 45 جنيها، وعلى الشارع الرئيس من محطة حداق المعادي، اتجاه شارع المصنع، والـ«ليجن» الصوف التريكو المشجر والسادة في محل «ماجو mago» ويبدأ سعره من 145 جنيها، وفي محلات اللبس في المعادي سعر الـ«ليجن» الصوف يتراوح حسب الصوف لو «تريكو» تقيل هيكون بـ150 جنيها، ولو صوف قماش سعره يبدأ من 85 جنيها، وكمان في سلسلة «كارينا» بـ110 جنيهات.
