5 تطبيقات هتعرفك حالة الجو
حذر رئيس هيئة الأرصاد الجوية، أول أمس الثلاثاء من أن مصر هتشهد شتاء قارص البرودة، ولأن الجو بقى متقلب ومفاجئ لينا ولبتوع الأرصاد نفسهم، وعشان توقع مظبوط بنرشحلك 5 تطبيقات موجودة على Google play هتفيدك في معرفة حالة الجو.
Morecast
تطبيق سهل الإستخدام بيعرضلك تنبوء الأسبوع. البرنامج بيحطلك عرض سريع لطقس اليوم على الشاشة الأمامية وبضغطة للأسفل تقدر تعرف تفاصيل أكتر عن اليوم وتبحث عن الطقس فى أماكن أخرى لو مسافر. البرنامج مُزود بتفاصيل كتيرة منها إنو بيعرض الطرق إللى الحالة الجوية فيها أفضل من طرق أخرى .
Weather from NOAA free
تحت تأثير التغيرات الجوية السيئة والمفاجأة NOAA بيقدملك تنبوء للجو وتحديث دوري للحالة الجوية ولو الموضوع وصل لتقلبات جوية عنيفة بيرسلك تحذيرات تساعدك إزاى تستعدلها أو تتجنبها.
The Weather Channel
التطبيق ده مميز عن باقى تطبيقات الجو مش بس عشان بساطته فى عرض حالة الجو، لكن عشان بيعرضلك فيدوهات عن حالة الجو حول العالم وبيعرضلك معلومات عن الإنفلونزا الموسمية وأنواع الحساسية إللى ممكن يسببها الجو.
Accuweather
لو كنت من المتابعين باستمرار لحالة الجو فالطبيق هو المناسب ليك . لانه بيعرض توقع دقيق لحالة الجو ومزود بخرائط للطرق وعرض بيانى لنسب تغيرات الجو ورادار و فيديو بيعرض عن المنطقة إللى إنت موجود فيها.
Google Now
الأسهل والأبسط لأنه جزء من طبيق google الموجود على جهازك الأندرويد. فقط ضغطة لإفل على الـsearch bar وسيظهر لك Google now بعرض سريع عن حالة الجو فى مدينتك .
