ملخص هجوم باسم سمرة على محمد رمضان بعد الاعتداء عليه باليد (فيديو)

علق باسم سمرة على اتهام محمد رمضان له بتعاطي مواد مخدرة بعد انتشار فيديو يجمعهما تعدى فيه باسم سمرة على رمضان باليد.

وتصدر باسم سمرة طلبات البحث عبر محرك البحث الشهير «جوجل» في مصر بعد رده من خلال برنامج «الحكاية» مع عمرو أديب.

تصريحات باسم سمرة ضد محمد رمضان

وقال سمرة: «أنا مقدرش أرد عليه علشان أنا ابن ناس محترمة وأنا أدعوه للتمثيل معي في فيلم روائي 10 دقايق قصير ويبقى بطولة مشتركة بيني وبينه تحدي».

وأضاف: «هو مثل قبل كدا معايا في هالة والمستخبي كان بطولتي أنا وليلي علوي وكان فيه أخويا الصغير.. أنا بحب رمضان مش عارف الشيطان سايقه ولا إيه».

وتابع: «أنا كنت محتضنه جدا وهو أخويا بس معرفش الهبل اللي هو بيقوله دا إيه الكلام الأهبل دا.. ما تصحى لنفسك يابني.. انت مش بتقول أن نمبر وان أنا هوريك في التمثيل والحكم للجمهور».

وأردف: «أنا مطلعش على التليفزيون حد يشتمني أو يقل مني وخصوصا لما يكون عيل صغير».

وأوضح سمرة: «أنا مستاء من الإعلام والصحفيين والسوشيال ميديا لإني الفترة اللي فاتت خدت جايزة أحسن تمثيل في فيلم اسمه ولاد رزق محدش كلمني قالي مبروك».

وتابع: «عملت آخر فترة فيلمين دماغ شيطان ومنجحش ومحدش كلمني ناقشني قالي منجحش ليه.. وعملت فيلم تاني اسمه صندوق الدنيا أحلى تمثيل وفيه صلاح عبدالله وخالد الصاوي ورانيا يوسف محدش كلمني في شغلي.. ليه مبتركزوش معانا في شغلنا الحقيقي وبتركزوا في الخناقات».

بدأت الأزمة أثناء تواجدهما في فرح ودفع باسم سمرة محمد رمضان لينتشر الفيديو ويرد الأخير في لقاء مع وائل الإبراشي: «باسم مكنش في وعيه ولو كان في وعيه كنت اديته بالشمال».

​​​​​​​