إعرف حالة الجو بنفسك (5 ملاحظات)
تشهد مصر حالة من الطقس السيئ، والمطر غرق معظم محافظات الجمهورية، لدرجة إن مترو الأنفاق توقف لفترات. وهيئة الأرصاد الجوية حذرت من شتاء قارص البرودة على المصريين.
«شبابيك» هتعرفك في التقرير ده إزاي تعرف حالة الجو بنفسك عشان تتجنب توقعات الأرصاد اللي في كتير من الأوقات بتكون مش مظبوطة.
انظر للسماء
حركة السحاب وشكله ممكن يقولولك كتير عن يومك، فمثلا لو السما مغيمة بالليل فاعرف إن تانى يوم هكيون الجو كويس نتيجة لحفظ الغيوم لحرارة الأرض تحتها فمهما كانت الشمس تانى يوم الجو هيكون معتدل.
لو السحاب بيتحرك عكس بعضه إعرف إنك داخل على حالة جوية سيئة وطبعا كل ما لون السحاب يغمق ده يبقى أكيد فى مطر.
لون السماء
ظهور اللون الأحمر عند الشروق يدل على يوم معتدل و طقس جيد بينما ظهور اللون الأحمر عند الغروب غالبا يدل على إنخفاض فى درجة الحرارة ومؤشر على زيادة الرطوبة في الجو وغالبا تنبئ بالمطر.
الرطوبة
الرطوبة اللي بتظهر بشكل مفاجئ في الجو بدرجة عالية العالية واللي بنقدر نعرفها من من رائحة الشجر بتدل على قرب هطول الأمطار.
لاحظ الطيور
الجو المعتدل علامته الطيور فى السماء، مش عشان شيوع الفكرة فى الأغانى ولكن لأن أجسادهم لا تتحمل ضغط الهواء المرتفعة مع حركته القوية. غياب الطيور بأنواعها يدل على تقلب الجو.
وإذا كنت من مُربيين الحيوانات الأليفة كالكلاب أو القطط هتلاحظ إختفائهم قبل هطول المطر أو الرياح القوي فى أى مكان قريب من الأرض وآمن (بياخدوا ساتر يعنى)
دخان مشروبك الساخن
إنخفاض درجة الحرارة يمكن ملاحظته من خلال الدخان الخارج من مشروبك الساخن، لأن حركة الدخان الطبيعة بتكون مستقيمة للأعلى أو بإعوجاج بسيط للأعلى. أما فى حالة إنخفاض درجة الحرارة فالدخان بيتحرك بإنحرافات.
