رسالة صادمة من طليقة خالد عليش: «خاني وضربني ومبيصرفش على البنت»

خرجت طليقة الفنان خالد عليش برسالة صادمة، نشرتها عبر مواقع التواصل الاجتماعي، والتي احتلت مؤشرات البحث عقب نشرها.

رسالة صادمة من طليقة خالد عليش

الفنانة ميما الشيمي طليقة الفنان خال عليش، طتبت منشورا على موقع التواصل الاجتماعي «فيسبوك»، جاء به: « هو 4000 جنيه في الشهر يكفي بنت في مدرسة إنترناشونال، وباباها بيقبض 75000 في الشهر، ده غير الإعلانات والإيفنتات وإعلانات السوشيال ميديا، وطبعا أنا اللي كنت بتفق على الفلوس دي فعارفة من سنة هو كان بياخد كام».

رسالة طليقة خالد عليش

وتابعت في منشورها: «والله في سهرة من السهرات اللي بينزلها واللي بيدفع فيها ده يكفي بنته، هو اللي خاني وضربني وكنت أنا اللي باعتذر عشان أنا اللي قصرت وهو محترم ومؤدب مع كل الناس إلا أنا، فأنا اللي مش كويسة (طبعا هو كان بيقنعني بالكلام ده هو وأهله فأنا كنت بصدق)، لأنه حولني لشخص عديم الثقة في نفسه، فكنت بحس إني أنا أستاهل اتضرب واتهان واتخان وأنا اللي مقصرة.. واخد فلوسي، ومعترف بيها بس مش هيدهالي غير لما أوافق على كل شروطه، يا إما روحي للقضاء».

وبعد دقائق من المنشور، كتبت تعديلا به: « والنبي الناس اللي بتكلمني عشان أشيل البوست، أنتم ما تعرفوش أنا مستحملة إيه أنا وبنتي، وما تعرفوش أنا عملت مع الراجل ده إيه، وما تعرفوش أنا ساكتة بقالي قد إيه، وما تعرفوش أنا ببيع إيه عشان بنتي؛ لأن آخر 8000 جنيه، كانت معايا هو أخدها، وما تعرفوش أنا اتهنت إزاي منه ومن أهله ومن صحباته البنات.. البوست ده آخر حل عندي؛ لأن ماكنتش عايزة أعمل كده، مش عشاني ولا عشانه، إحنا بينا ربنا وهيحكم بينا، بس بنتي مكانتش تستاهل كده، فسامحيني يا ميما، بس غصب عني، وميما الحمد لله فهمت كل حاجة بدري؛ لأنها شافت آخر موقف قدام عنيها».

خالد عليش

خالد عليش مذيع راديو شهير، وقدم العديد من البرامج، منها معاك في السكة والموقف، وشارك في تقديم برنامج «نهار جديد»، على شاشة قناة النهار، وشارك أيضا في بعض الأعمال التليفزيونية منها مسلسل مأمون وشركاه.

و تزوج خالد وميما في ديسمبر 2013، وأنجبا طفلة، وميما هي ممثلة شابة شاركت بأدوار صغيرة في بعض المسلسلات، منها مسلسل بنات سوبر مان، الذي عرض برمضان عام 2016.