شعر عن حرية الفتاة.. مشاركة من فاطمة العشري
مانعيني أعيش الحرية
والتهمه إنى عاطفية
كفيانا أفكار رجعية
وعادات موروثه وبدائية
***
مش هاأرضى أكون تانى جماد
أنتيكه من سالف الأجداد
***
ملفوفه فى علبه فالإيد
وعروسه أتذوق عالعيد
***
ولا ليا فكر ولا قضية
وكأنى قصه منسية
مع إنى مخلوقه ذكية
مكاره وداهيه مخفية
***
عايزنى أتخفى في نقاب
مخرجشي في يوم بره الباب
وأعتبر الناس دول أغراب
وكلامي يبقي بحساب
***
وكأنى فى عصر الجاهلية
عايشه مدفونه وأنا حيه
***
مجتمعي شرقي أنا عارفاه
وتعبت كتير أنا لرضاه
***
حابس صوتي جوه تابوت
كاتم نفسي لحد ما أموت
***
متهانه فيه طول الوقت
بس خلاص قررت وفوقت
***
مش هاأفضل عايشه محرومة
ولا عمرى هاأبقى المظلومة
***
وهاأكون البنت العصرية
يحكمني دين الحرية
