من هو محمد شومان الذي تبرأت ابنته منه؟ (فيديو)

تصدر فيديو ابنة الممثل المتواجد في تركيا محمد شومان، والذي هاجمت فيه والدها مواقع التواصل الاجتماعي خلال الساعات الأخيرة.

وخرجت روجينا شومان لترد على والدها الذي أصدر بيانا مؤخرا يطالب فيه السلطات المصرية بإنقاذ عائلته التي ادعى أنها تتعرض للأذى.

فيديو ابنة محمد شومان

وقالت ابنة محمد شومان في الفيديو: «أنا روجينا شومان بنت محمد شومان اللي أصدر النهاردة بيان بيناشد السلطات إنها تنقذ أسرته اللي بتموت بالبطيئ.. أسرته اللي هي أنا وأختي وماما وأخويا أحمد وإنهم يفرجوا عن أخويا من غير أي شروط..

أحب أعلق على كذا حاجة في البيان مبدأيا احنا مش أسرتك انت مجرد اسم على البطاقة احنا ليس لنا أي صلة بك وقطعنا كل ما له علاقة بك من 5 سنين وابنك اللي بتناشد السلطات تطلعه انت متحملتش مسئوليته من وهو عنده سنة ونص واحنا رب أسرتنا أمنا ولا انت مسئول عننا ومش من حقك تتكلم بإسمنا..

اتكلم عن أخوك وابن أخوك وملكش دعوة بينا.. لو انت عايز تعمل فيها أب انزل وواجه ده بنفسك ومتبقاش قاعد في بلد تانية وتتكلم باسمنا..

حاولنا كتير إننا نشيل اسمه ونرفع قضايا نشيل اسمه من البطاقة ومعرفناش وبنوجه رسالة للسلطات يساعدونا نعمل ده ونتبرأ منه وأرجوك متتكلمش عننا وبلساننا..

انت اتكلمت في البيان عن الفيلم وبتعمل دعاية ليه على قفانا وبتقول أسرتي بتموت بالبطيئ ووجودنا هنا أذى لنا واحنا حابين نفضل عايشين هنا ومش بيأذينا غير وجودك».

​​​​​​​

من هو محمد شومان؟

يذكر أن محمد شومان بدأ مشواره الفني في العام 2001 وشارك في العديد من الأعمال، وأيد نظام الحكم السابق وسافر إلى تركيا في 2016 ويقدم برنامجا على قناة الشرق.

وشارك محمد شومان في العديد من الأعمال البارزة منها حرامية في كي جي تو والرجل الأبيض المتوسط وفول الصين العظيم وأريد خلعا والسفارة في العمارة وواحد من الناس وعودة الندلة وفول الين العظيم.