«إعدام محمود شندي».. بائع مخدرات يقتل مواطن اعترض على نشاطه
تفاعل رواد مواقع التواصل الاجتماعي مع منشور لشاب يسكن منطقة دار السلام بالقاهرة حكى فيه واقعة مقتل أحد المقربين منه أحمد سعيدعلى يد بائع مخدرات يدعى محمود شندي.
ودشن صديق الضحية أحمد سعيد وسم «إعدام_القاتل_محمود_شندي»، وحكى تفاصيل الواقعة كالتالي: «بعد اذنكوا اللي بيحبني واللي عاوز يقف معايا يساعدنا في نشر وشهرة القضية عشان نحاول نوصلها تبقي رأي عام المرة دي القاتل معندوش 18 سنة يعني لو قدرنا نوصلها ان شاء الله حق اخويا هيرجع بعد اذنكوا الكل يعمل شير واللي يقدر يساعد في نشر القضية ميتأخرش ومش هنسي لاي حد انه وقف جمبي في وقت زي ده
التفاصيل ان احنا عندنا في مدينة السلام مساكن الجمهورية 2 عندنا بقت عبارة عن منبع استروكس والبيع بقي علني بالشوال احمد الوحيد اللي مسكتش من الناس كلها عشان الناس خايفة هو اتكلم عشان مش عاوز ده عشان ولاده وابوه وامه وبنات الناس وكمان جمب الجامع احمد كان الاول بيكلمهم ويقولهم بلاش مرة واتنين وبعد كدة بقي يزعق معاهم عشان يمشوا من هنا مرة واتنين وتلاتة يزعق معاهم بقالوا فترة علي كدة والحكومة صباح الخير يوم الاربع قبل الفطار المعلم اللي مشغلهم اتمسك وفي القسم قالولهم ده حد من المنطقة اللي مبلغ ف هما حطوا في دماغهم ان احمد هو اللي مبلغ عنهم وهو اللي سلمه للحكومة..
بقوا عاوزين يشاكلوه بعتوا 2 يشربوا استروكس قدام الجامع عشان احمد يزعقلهم و يتشاكلوا معاه فعلا احمد راجع من الشغل اول مرة يرجع الساعة 12.30 قبل السحور كان كل يوم يرجع 6 الصبح هو بيشتغل بعد الفطار مقاول نقاشة المهم زعقلهم ومشاهم من هنا وقالهم ده انتو حتي علي باب جامع وزعقلهم ومشاهم راحوا تاني المربع اللي هما بيعدوا فيه ده عند بيت ابوه البلوك بتاعه وبتاع ابوه ورا بعض عملوا مشكلة مع ابوه واخوه فجر الخميس وضربوا ابوه الراجل الكبير عنده 74 سنة بعد م واحد كان ماسكه واتعور 6 غرز..
احمد كان نايم شوية قبل السحور قام علي تليفون ان في خناقة مع ابوه واخوه وابوه متعور طبعا نزل ف ثانية اول ما شافوه كان مترصدله غدر بيه من غير ما ياخد باله واداله اول طعنة عند فخدته قطعت الشريان الرئيسى للقلب عمقها 20 سنتي و طعنه في جمبه وطعنه عند كتفه كدة كان دمه بيتصفي وتوفي ف ساعتها..
والقاتل المجرم بقي واقف يقول قتلته وبيتباها حد عاوز يموت تاني لو حد عاوز يموت يجي وده جزاء اللي يتكلم
احمد عنده 3 اولاد صغيرين اكبر واحد فيهم في اولي ثانوي وبنته في اعدادي وابنه الصغير في ابتدائي».
