الثانوية العامة 2020.. نصائح مفيدة للطلاب قبل الامتحانات

ينشر موقع شبابيك عدد من النصائح لطلاب الثانوية العامة، المقرر انطلاق امتحانهم 21 يونيو 2020، للعام الدراسي 2019-2020، والنصائح لمجموعة من الصفحات المتخصصة في متابعة أخبار الثانوية العامة على موقع التواصل الاجتماعي «فيسبوك».

ومن المقرر أن تنطلق امتحانات الثانوية العامة للعام الجاري 21 يونيو 2020، بمادة اللغة العربية، على أن تنتهي 21 يوليو 2020 بامتحانات الرياضيات البحتة الجبر والهندسة الفراغية.

وأعلنت وزارة التربية والتعليم عن إجراءات تأمين لجان امتاحان الثانوية العامة، مع توفير جميع الإجراءات الوقاية وأخذ الأساليب الاحتازية للجفاظ على سلامة الطلاب.

نصائح لطلاب الثانوية العام قبل الامتحانات

1. لازم ليلة الامتحان وبأي طريقة تنام 6 ساعات أو 7 ساعات، وإياك تروح الامتحان من غير نوم دماغك هتهرب منك ومش هتركز.

2. لازم تروح أول يوم للامتحانات بدري علشان تعرف مكان لجنتك، وحذار  من انك تروح متأخر لانه لن يسمح لك بالدخول، وكمان لأنك بكده هتضيع على نفسك نص ساعة من وقت الامتحان في التعرف على مكان لجنتك والجلوس فيه حتي تهدأ.

3. بلاش تسمع حاجة من أصحابك سواء خير أو شر قبل الامتحان، يعني أعزل نفسك وخليك في حالك .

4. أول حاجة تعملها جوه اللجنة تكتب بياناتك بخط واضح «لأنك بعد ما بتخرج من اللجنة الشيطان بيستلمك ويصورلك إنك لم تكتب بياناتك و ده للأسف يؤثر علي تركيزك في المادة اللى بعد كده.

5. لازم تكون لابس ساعة في إيدك جوه اللجنة علشان تحسب وثتك المناسب لكل سؤال،  وكمان لازم تجهز أدواتك كاملة.

6. تعامل مع الأسئلة بكامل تركيزك وحاول تكون ثابت على قدر الإمكان حتى لو شفت أسئلة مش عارفها. 

   ملف خاص

   طرق المذاكرة

   

7. قراءة رأس السؤال ثم قراءة رأس السؤال ثم قراءة رأس السؤال، أمر هام جدا لأنه بيعرفك المطلوب بدقة وكده تبدأ الإجابة بشكل صحيح.

8. وقت الامتحان متظبط علي عدد الأسئلة وزيادة شوية مش تقلق من الوقت خالص زي ما قلنا في النقطة اللي قبل كده جاوب على الأسئلة الإجبارية أولاً وبعد ما تراجع كل إجاباتك ممكن تحل الإختيارية.

9. لو شفت سؤال «لا قدر الله»، صعب ولقيت نفسك وقفت قدامه زيادة عن اللزوم سيبه وأنقل على سؤال تاني وابقي أرجع له بعدين.

10. لو أثناء اللجنة لاحظت إن المراقب بيتكلم مع زميله أو زميلته في اللجنة ويشوش عليك، خليك جريء وأطلب منهم بكل أدب إنه يساعدكم بتوفير هدوء داخل اللجنة.

11. لو أثناء اللجنة لاحظت صوت ضوضاء شديد كتخبيط جاي من ورشة قدام المدرسة مثلا، اطلب من المراقب يحل الموضوع ده وفعلا من خلال مناديب وزارة الداخلية الموضع هيتم حله.

12. خليك هادئ وبلاش تخلي أي حاجة توترك، يعني لو المراقب كل شوية يقول باقي كذا دقيقة ووقت الامتحان يخلص خليك هادئ وبلاش تتوتر. 

    ملف خاص

    نصائح للمذاكرة الصحيحة

    

13. لو حد في لجنتك اتظبط بيغش وعمل مشكلة وحصلت ضوضاء وصوت عالي خليك برضوا هادئ وركز في إجابتك وورقتك وخليك فاكر إن مجهود سنة كاملة ممكن يضيع لو معرفتش تمسك أعصابك جوه اللجنة.

14. داخل اللجنة لازم تكون مقاتل عنيد وبلاش تستسلم وتجاوب أي كلام بغرض إنك تخلص من الامتحان وتخرج من اللجنة وخلاص.

15. جوه اللجنة إياك ثم إياك تخرج دقيقة بدري عن الوقت المحدد، استغل الوقت حتى أخر ثانية جاوب وراجع مرة واتنين ولو اتبقي وقت بعد كده جاوب على الأسئلة الاختيارية.

16. بعد الخروج من اللجنة ممنوع تراجع مع حد من زمايلك، اللي حصل حصل والكلام في اللي فات نقصان عقل، وعلى طول تروح على البيت وتجنب المشي في الشمس.

17. إياك تفتح نت أو تراجع إجابتك منه، ويا سيدي بعد آخر مادة في آخر يوم ابقي افتح نت وراجع مع زمايلك براحتك.

18. طوال أيام الامتحانات حافظ على التزامك الديني لأنه بيديك ثبات وراحة نفسية مطلوبين جدا أيام الامتحانات، أي ذكر واستغفار مش محتاج منك وضوء وطهارة.