أحمد حلمي يوجه نصيحة لطلاب الثانوية العامة ويحكي قصة رسوبه ثلاث سنوات
وجه الفنان أحمد حلمي رسالة لطلاب الثانوية العامة قبيل بدء امتحانات نهاية العام الدراسي 2019-2020 بساعات.
وقال الفنان أحمد حلمي عبر صفحته الشخصية على موقع التواصل الاجتماعي «انستجرام»: «حبايبي طلاب الثانوية العامة بنين وبنات.. ربنا معاكوا ويوفقكوا وينجحكوا .. وخدوا بالكوا طبعا ومحدش يقلع الكمامة وبلاش تجمعات.. مش عايزين ننجح في الثانويه العامة ونسقط في الكورونا»، مضيفا: «سهيلة بنت أختي.. شدي حيلك وربنا يوفقك يارب».
وأضاف أحمد حلمي في مقطع الفيديو قائلا: «الفيديو بخصوص امتحانات بكرة وبما أن بنتكلم عن امتحانات الثانوية العامة اعتقد مفيش حد أحسن مني يتكلم أكتر مني عن الثانوية العامة، لأني خبرة وسقطت فيها 3 سنين بس أناعايز أقولكم أني كنت في الحقيقة خايف من الامتحانات».
وتابع: «حقيقي السنة الوحيدة اللي ماسقطتش فيها هي اللي مكنتش فيها خايف من الامتحان بجد وتعاملت مع الامتحان على أنه فسفوسة... مضيعش وقتك في الرعب ووجع البطن وامتحانات الثانوية فسفوسة محدش ياخد باله منها».
ويبدأ طلاب الثانوية العامة يوم الأحد الموافق 21 يونيو امتحانات إتمام دراسة شهادة الثانوية العامة باختبار مادة اللغة العربية.
وأنهت وزارة التربية والتعليم والتعليم الفني تجهيز لجان الامتحانات بتركيب بوابات تعقيم على المدارس وتحضير كمامات وأدوات تعقيم خاصة بكل طالب.
