شابة مصرية تعرض نفسها للزواج على فيسبوك وتحدد المواصفات المطلوبة (فيديو)
أقدمت فتاة مصرية على فعل غير مألوف بعرض نفسها للزواج على موقع التواصل الاجتماعي «فيسبوك».
ونشرت مها أسامة فيديو عبر حسابها قالت فيه: «الفيديو ده هيجيبلي مشاكل كتيرة قوي أنا عارفة بس أن مش فارق معايا لإني مش بعمل حاجة غلط».
وأوضحت: «كلنا شايفين الظروف اللي احنا فيها والبلد عاملة ازاي مفيش خروج ولا كافيهات ولا جيمات ولا أي حاجة والدولة شايفة ده الصح علشان تحافظ على صحتنا ونكون في أمان».
وأضافت: «الطبيعي دلوقتي إن كل واحد يعمل اللي هو شايفه صح زي ما الدولة خدت الإجراءات دي علشان تحافظ على سلامتنا».
وأعلنت قرارها قائلة: «أنا اسمي مها أسامة عندي 32 سنة وعارضة نفسي للزواج على فيسبوك وعارفة إن ده قرار مش صح وهيجبلي مشاكل كتير بس أنا قد القرار ودرسته وأتحمل الحلو والوحش بتاعه والوحش الأول».
وعن المواصفات التي تريدها في شريك حياتها أوضحت: «أنا مش عايزه حاجات كتير في الشخص اللي هرتبط به غير إنه يكون جد وفعلا عايز يتجوز ومحترم».
وتابعت: «أنا كان ممكن أعمل زي البنات على التيك توك اللي بتلبس لبس مش محترم وحركات مش محترمة بس أنا أعلى من كده بكتير علشان كدا أنا بعرض نفسي للجواز على فيسبوك».
وقات: «اللي شايف نفسه جد ومش هيهزر وياخد سكرين شوتات يبعتها لصحابه ويشيرها على فيسبوك يبعتلي وأنا مش هقول تفاصيل على نفسي كتير والمهتم عارف هيوصلي إزاي».
