فوائد الـ«hands - free».. غير إنك تسمع أغاني

سماعة الموبايل من الحاجات اللي منقدرش نستغنى عنها في شنطتنا واللي ليها جيب خاص بنحطها فيه لأنها مش مجرد سماعة عادية ديه سماعة بتفصلنا عن كوكب الأرض..

لو مش عارف فوايد سماعة الموبايل اقرا اللي جاي:

الكلام السخيف

بالنسبة للبنات، سماعة التليفون بتخليهم ميسمعوش كلام كتير سخيف  بيتقال من الولاد سواء في الشارع أو المواصلات. نسبة التحرش الجنسي في مصر أكتر من 95% بحسب كتير من الاحصائيات لو مش عارفين.

دوشة الشغل

 فيه ناس كتير في الشغل بتكون مصدر دوشة لينا ومش بنعرف نعمل إيه عشان نفصل من دوشتهم، وهنا بيجي دوري سماعة الموبايل اللي بتفصلنا عن الدوشة اللي موجودة من زمايلانا في الشغل وبتخلينا نشتغل في روقان.

حرق دهون

واحنا بنعمل رياضة أغانيها بتدينا ايقاع وبتخلينا نخسر وزن في أسرع وقت ممكن.

دفا الشتا 

 بتدفي ودانا في عز برد الشتا :)

بتفصلنا عن الواقع

السماعة بتاخدنا لعالم موازي جميل بنختار فيه ألحانه بنفسنا وبتفصلنا عن واقع الحياة.

فرحة

في عز فرحتنا السماعة بتعملنا حالة زقططة وبتخلينا  مبهججين.

البحر

السماعة مع البحر حالة فريدة من نوعها نقدر نقول عليها المزيج العميق اللي بيصفي قلبنا وعقلنا من أي ضيق وزعل وتفكير كتير.