الرئيس السيسي الحنية مش طبطبة والسلام وأحنا مش ضد مصالح الناس (فيديو)
علق الرئيس عبد الفتاح السيسي، على إحدى الصور التي عرضها رئيس الهيئة الهندسية للقوات المسلحة، اللواء إيهاب الفار، والتي تظهر التكدس المروري لشوارع القاهرة الكبرى.
ووجه الرئيس السيسي العتاب لهؤلاء المسئولين، قائلا: كنتوا مستنيين إيه؟!، أنا قلت نشاهد الصورة ونفكر فيها كويس، الصورة دي لكثير من الشوارع في المحافظات، محدش فكر يقول بلاش نبنى تاني في المحافظات دي، أو حتى لو هنبنى يبقى نخفض الارتفاعات».
وأوضح الرئيس: «لما اتكلمنا من 6 سنوات قلت إن إحنا هنبنيها مع بعض، كلنا ماشين وبنتحرك مع بعض عشان نحل المسائل دي، وحبيت أتوقف أمام النقطة دي، عشان الناس بتتصور إننا لما بنوقف البناء، إننا ضد مصالحهم، لكن يجب التفرقة بين المصلحة الشخصية والمصلحة العامة للناس».
وتابع الرئيس، خلال مداخلة فى افتتاح عدد من المشروعات القومية: «الصورة دي موجودة في مصر الجديدة، والعباسية وشبرا والمطرية وبهتيم وشبرا، كنتوا مستنيين إيه يا مصريين، وأنا بقصد المسؤولين، أنا بقول كدا عشان نستحضر الفهم ونواجه عمق المشكلة التي نتحدث عنها، هو الشكل ده ينتظم إزاي؟».
وقال الرئيس عبدالفتاح السيسي، إنه حين قال إن هذا الشعب لم يجد من يحنو عليه، كان يقصد بالحنية حل مشكلات المواطنين، قائلا: «الحنية على الشعوب والمواطنين مش طبطبة لكن حل مشكلات ومشروعات وعمل، مثل حل مشكلة الازدحام المروري، من خلال تنفيذ مشروعات الطرق والكباري».
وأشار «لما أقول إن الشعب لم يجد من يحنو عليه أو يرفق به، الحنية إنك توفر للناس أبسط حقوقها، وهي إنهم يمشوا بيسر وسلام، والبعض يتصور أننا ضد مصالح الناس عندما تم وقف البناء».
وتساءل السيسي: «لو شايفين إن القاهرة كانت هتبقى جراج كبير هل وقفتوا البناء في القاهرة لأ؟، فلو من 2002 وقفنا البناء وبدان التطوير ما وصلنا لهذه الحالة».
