تفاصيل أزمة مي حلمي ومحمد رشاد.. معرضان لترك مسكنهما بسبب الديون (فيديو)
نشرت المذيعة مي حلمي مقطع فيديو على حسابها بتطبيق تداول الصور والفيديوهات الشهير «إنستجرام» تحدثت فيه باكية عن أزمة تمر بها وزوجها المغني محمد رشاد.
وكتبت حلمي على الفيديو: «كفايه وقف حال فينا انا بدعم جوزي #محمد_رشاد لما تصحي من النوم دون سابق انذاز تلاقي حد عاوز يحجز علي بيتك ويدمر اسمك وحياتك هتعملو ايه عملك ايه عشان الكره ده سيبنا في حالنا وابعد عن شغلنا ومش هسيب حقنا»، مرفقة إياه بوسم ادعم محمد رشاد، ما جعل كثيرون يؤيدون موقفها.
أزمة مي حلمي ومحمد رشاد
واستهلت مي حلمي حديثها قائلة: «الفيديو ده علشان أعرف الناس قد إيه إن في ناس مؤذية.. ومن غير سابق إنذار ومن غير أي حاجة في الدنيا انت صحيت على مكالمة تليفون إن في ناس هتكسر باب شقتك تحجز على ممتلكاتك ده اللي أنا صحيت عليه»
وعن سبب الضائقة المالية التي يمر بها زوجها محمد رشاد وقد تؤدي لطردهم من البيت الذي يعيشان فيه أوضحت: «علشان في قضية مرتبطة بعقد رشاد في الغنا والمبلغ كان خمسة مليون جنيه والرقم مش هينفع يدفعه لإنه واحد لسه بيبدأ حياته 30 سنة.. هو حاول يوسط ناس لتقسيط المبلغ بس كل اللي هاممهم يشوفوه محبوس».
وتابعت: «ليه هخبي حاجة زي دي النهاردة وانتو شوفتوا بداية حبنا ونجاحنا.. تخيلي تصحي في بيتك تلاقي حد بيقولك كدا علشان في خمسة مليون لازم جوزك يدفعهم والموضوع بقاله 4 سنين.. أظن كفاية بقى كفاية 4 سنين وقف حال فيه وسنتين ليا وأنا معرفش.. انت بتكلم ناس متشغلنيش بعلاقاتك.. حد اللي انت عايزه وسيبنا في حالنا».
وأضافت قائلة: «واجبي إني أدافع عن بيتي وحياتي.. عايز تأذيه ليه هو عملك إيه نفسي ترد عليا.. انت أذيته علشان بتحب ناس تانية ولما انت كارهه مضيت معاه ليه.. ولما انت مبتحبوش مالك ومال شغلي وحياتي أنا.. رشاد عنوانه في طنطا مالك ومال بيتي وهو عايز ينفذ هنا وده بيتي أنا».
وقالت: «معرفش اللي بتكلمه صح ولا غلط بس أي واحدة بتخاف على جوزها هتعمل كدا.. انت ليه عايز تحبسه ومش هو لوحده ده احنا الاتنين.. محمد رشاد رافض إني أساعده ومش عايز حد يقف جنبه».
