أغبى 7 اختراعات في العالم.. تعرف عليها
العالم كله محتاج لاختراعات جديدة كل يوم عشان يضمن استمراريته ويتحدى بيها الزمن، وده اللي بيحصل فعلا وبنتقدم فيه، لكن مع الاختراعات المهمة في حياتنا بتكون في بعض المحاولات ممكن تطلع بنتيجة وممكن تطلع بحاجة تاني خالص، مينفعش تقول عليها غير إنها اختراعات غبية.
وشاح الأجهزة الإلكترونية عبارة عن ستارة حلزونية مفتوحة من الجهتين.. الناحية الأولى تكون باتجاه وجه الشخص والجهة التانية يكون بها الجهاز.. سبب الأختراع حسب اعتقاد صاحبه.. إنه بيحمي معلوماتك وحريتك الشخصية من تطفل الآخرين.
شمسية الحذاء دي بقى عبارة عن حذاء قطعتين.. الأولى هي الحذاء اللي إحنا متعودين عليه وعارفينه.. والتانية شمسية بتتركب على الحذاء لحمايته من الأمطار.. يعني انت تغرق عادي بس أهم حاجة الجزمة ☺.
حامل لابتوب أثناء القيادة أحد المخترعين شاف إنه وجود حامل على عجلة قيادة السيارة "الدريكسيون".. هيوفرله الوقت والمجهود وهيساعده فى إنجاز شوية شغل وهو سايق.. لكن مسألش نفسه (هيسوق إزاي وهو شغال؟).
مروحة المكرونة
في الصين أحد الأشخاص واجه مشكلة مع تبريد المكرونة.. فقرر ابتكار اختراع جديد.. عبارة عن تثبيت مروحة على عصى أكل المكرونة.
روبوت الهاتف في 1964 تم اختراع ريبوت للرد على التليفون لضمان الرد على كل التليفونات لحد هنا جميل جدا.. الغريب إن الروبوت مكانش بيتكلم كل اللي بيعمله بيسمع الجرس ويروح على التليفون ويرفع السماعة يحطها على ودنه من غير أي فايدة.
قفص الأطفال
في القرن اللي فات كان الطفل بياخد وقته من الفسح والخروجات عشان ياخد كفايته من الهواء الطل.. ده كان بيرهق بعض الأمهات لحد ما ظهر مخترع وعمل قفص حديدي يتحط فيه الطفل ويتثبت على الشباك من برة عشان يبقى في الهوا.
حقيبة ضد السرقة عبارة عن شنطة تم اختراعها سنة 1963 عشان تبقى ضد السرقة.. وطريقة عملها إنها بتفضي كل محتوياتها على الأرض لو شعرت بوجود أيد غريبة بتتسلل جواها.. وبكده الحرامي مش هيتعب نفسه ويسرق الشنطة لأنه هيلاقي كل حاجة على الأرض ☺.
