عمارة مصر الجديدة تشعل الجدل على تويتر حول قانون الإيجار القديم

تصدر هاشتاج عمارة مصر الجديدة موقع التغريدات القصيرة، تويتر، خاصة بعد ميل عقار الشربتلي، بمنطقة الزمالك، وأهم ما شغل اهتمام المغردون هو القيمة الإيجارية للعقار، وهل هو يحابي السكان أم الملاك.

أيد بعض المغردون على تويتر، أحقية سكان عقار مصر الجديدة في التعويض بشكل أو بآخر من قبل الحكومة، عما طال مسكنهم من ميل نتيجة أعمال حفر، خاصة وأن الأضرار التي لحقت به كانت من جانبها، فيما استنكر البعض الآخر هذا الحق، باعتبارهم مستأجرين بنظام القانون القديم.

مؤيدو قانون الإيجار الجديد يستنكرون على مستأجري عمارة مصر الجديدة حقوقهم وقالت إحدى المغردات التي ترفض تعويض عقار مصر الجديدة عن الخسائر التي لحقت بهم: «عمارة الزمالك اللي هايهدوها والناس عاملة عليها هوليلة دي كلها إيجار قديم، يعني يحمدوا ربنا أصلاً إنهم عايشين طول عمرهم استنطاع وولادهم متطمنين كمان إنهم هايكملوا مشوار النطاعة بعدهم».

فيما قال آخر عن عقار مصر الجديدة: «أخت جدي من بابا كانت من أصحاب الأملاك و كان عندها عمارات في الزمالك و مصر الجديدة و لو سألتي عن ست مالكة عقارات ماتت آخر التسعينات هيقولولك هي مين و قصتها إيه، وكانت ست يهودية قلبا و قالبا و مأجرة شقق كتير قديم، وكانت بتاخد الخلو مبلغ كبير و إيجار في وقته كان مبلغ برضه، و كانت بتجيب تمن العقار بربح في أقل من ١٠ سنين وقتها، و لما ماتت بعنا العقارات ومش متضررين من حاجة لأن دي حاجة بعقود وقانون وجابت تمنها من زمان.. اللي مش عاجبه لو فكر بالعقل هيلاقي إن تغيير ده لازم بقانون و بالتدريج».

وتابع: «المشاكل بقى بجد.. واحد يهودي ابن عائلة من يهود مصر، وعايش برة، ولهم فيلا ملك مأجرينها قديم مشهورة جدًا في وسط البلد.. الحكومة حاطة إيدها عليها ومش عاوزة ترجعها، رغم إنها بتستخدم استخدام إداري تبع وزارة الثقافة».

​​​​​​​

مغردون يتضامنون مع سكان عمارة مصر الجديدة

ونشر البعض الآخر تدوينات يتضامنون فيها مع سكان عمارة مصر الجديدة، من بينها: «الإيجار القديم مش نطاعة ، وقتها كان بيتدفع تقريبًا نص حق الشقة و الشقة تفضل بتاعتك وكمان تاخد إيجار، بالإضافة إن ظروف الناس المادية لا تسير على وتيرة واحدة، يعني اللي كان في مقدرته من خمسين سنة يدفع حاجة معينة في سكنه، دلوقت يمكن معهوش، ديه حاجة اسمها، إيواء، مش طبيعي نشرد الناس».

وقال آخر: عمارات الإيجار القديم في أرقى مناطق في مصر، زى مصر الجديدة، و الزمالك، وجاردن سيتي، ناس كتير جدًا قافلين الشقق الإيجار القديم وعايشين في التجمع أو أي مدينة من المدن الجديدة، و ميسورين الحال، يبقى صاحب العمارة بياخد من الشقة مبلغ يادوب يجيب به شيكولاته مش مستوردة حتى، قانون ظالم طبعًا.

شبابيك

منصة إعلامية تخاطب الشباب المصري

ميكس ميديا