الرئيس السيسي عن أزمة سد النهضة: الأسد محدش بياكل أكله (فيديو)
قال الرئيس عبدالفتاح السيسي، في تعليقه خلال افتتاح المدينة الصناعية في الروبيكي: إن «الأسد لا يستطيع أحد ان يأكل اكله وكل واحد فينا من المسئولين لابد ان يكون أسد صغير في موقعه».
وتابع الرئيس: «الاسد محدش بياكل أكله فخليكوا اسود والاسد مش كلام كل واحد في موقعة يبقى اسد صغير نبقى كلنا اسد كبير قوى حقنا مش بس في الميه وحقنا في الحياة محدش يقدر يجور علينا ولا على امننا القومي».
وأضاف: «بناء الامم والشعوب والحفاظ عليها يا كل المصريين يا حبايبي واهلي وناسي مش بالجيش ومش بالشرطة وبس لا بينا كلنا بما فيهم مؤسسات الدولة».
وتابع: «من حق المصريين القلق على موضوع سد النهضة وانا بطمنكم علشان عدالة القضية، الميه ووجودها في مصر مش مطلب عادي واثبته الهرم الموجود في الجيزة، والمية من أتى بها الله سبحانة وتعالى».
وأوضح: «عدالة القضية اننا نرغب في العيش ونتحدث بمنتهى الاخلاص في انه من حقهم توليد الكهرباء، ونحن معكهم ونساعدهم ولكن بشرط أن هذا الأمر لا يكون له تأثير على حجم وكمية المية التي تأتي إلينا».
وأشار إلى أن: «قلقل المصريين من سد النهضة قلق مشروع وكل ما تقلق وتخاف اشتغل اكتر علشان تبقى قوي وقادر وكل ما تشتغل اكتر كل ما تبقى قوي اكتر وقتها هيبقى حقك محدش يقدر ياخده منك، فلو انت خايف او قلقان متقعدش تقول كلام ملوش لازمة زي اللى الكلام اللى بيتقال في الاعلام من تهديد بالعمليات العسكرية، كما أن التفاوض الذي نقوم به هو معركة سنستفيد منها أخيرا».
