3
السيسي في الاسكندرية.. أبرز تصريحات الرئيس عن سرقة الأراضي لبناء المساجد (فيديو)

السيسي في الاسكندرية.. أبرز تصريحات الرئيس عن سرقة الأراضي لبناء المساجد (فيديو)

قال الرئيس عبدالفتاح السيسي، إن محور المحمودية سيعطي حرية حركة بالإسكندرية، قائلا: «دائما سنجد من يشككون في المشروعات التي ننفذها،لأن فيه ناس بتتكلم بشكل سلبي عن الإجراء، كان فيه 30 مسجد وتعديات أخرى ويقولوا بيهدوا مساجد ربنا، والله لا يرضي ربنا سبحانه وتعالى بس هما ميعرفهوش».

وتابع الرئيس السيسى خلال افتتاح عدد من المشروعات القومية في الإسكندرية اليوم السبت: «يا رب تبقوا زينا في إن انتوا تعملوا حساب ربنا انتوا بتخربوا الشعوب وتدمروها وتدمروا الأمم وتضيعوها، جايين تتكلموا علينا لما بنبنى ونعمر هو ده المنظر اللى كنا بنتعاير بيه ويقول شوف المصريين وشوف فقرهم وخيبتهم عاملة إزاي».

وأضاف: «احنا بنفتتح وسعداء والبحيرة فيها 77 جامع مخالف على حرم الترعة، اللى عاوز يبني حاجة لربنا يسرق أرضه؟، دى سرقة، كما ووجه الرئيس محافظ البحيرة لتدشين محاور على كل ضفة وإنشاء مساجد بديلة بنفس النمط، قائلا: «بشكرك وانا معاك والدولة معاك نعمل 4 محاور على كل ضفة ونعمل المساجد بنفش النمط ومساكن لأهلنا اللى اتعدوا لكن احنا بنحاسب نفسنا التجاوز اللى تم احنا ندفع تمنه مش الناس».

وأكد السيسي، أن الدولة لم تتخذ إجراءات حادة لمواجهة مخالفات البناء دون سابق إنذار، قائلا: «مخدناش إجراء حاد في مخالفات البناء بدون إنذار احنا قايلين الكلام ده من 3 سنين وادينا مهلة لنفسنا 6 شهور، وقلنا التصالح وكلام من هذا القبيل، وحجم الناتج اللى اتعمل خلال الفترة السابقة 10 % أو أقل، وحصل تعدي خلال نفس الفترة أو يتجاوزهم».

 

حسين السنوسي

حسين السنوسي

صحفي مصري متخصص في الشأن الطلابي، رئيس قسم الجامعة بموقع شبابيك، متابع لأخبار التعليم ومقيم بمحافظة الجيزة

ميكس ميديا