لو انتي انطوائية.. اتحدي نفسك بالوظائف دي
لو انت انطوائية، عزلتك عن معظم الناس حواليكي ممكن توصلك إنك لما تكوني مضايقة متلقيش حد تحكي معاه فبالتالي ممكن بسهولة تدخلي لسكة الاكتئاب. صحيح العزلة ديه بتكون طبيعة بسبب شخصيتك الإنطوائية بس لو الطبيعة ديه هتدمرك نفسياً يبقى انتي محتاجة وقفة مع نفسك، وإنك تحاولي تتحدي نفسك وتبتدي تختلطي مع الناس.
الشغل هو الحل لأنه هيحتم عليكي انك تتعاملي مع الناس وتفتحي مجالات النقاشات المختلفة مابينكم وعشان كدة "شبابيك" هيعرفكعلى وظايف تتحدي بيها نفسك.
الكول سنتر
شغل الكول سنتر هيخليكي تحتكي بناس كتيرة جداً سواء اللي بيشتغلوا معاكي أو العملاء اللي بتكلميهم أو بيكلموكي في التليفون وده هيخليكي واحدة واحدة تكسري عزلتك وتثقي بنفسك وتتحديها وتبني علاقات اجتماعية وصداقات مع ناس كتير وهتلاقي نفسك في ظرف سنة عارفة كل الشركة. التدريس
إنك تتعاملي مع الطلبة سواء كانوا صغيرين أو كبار ده طبعاً خبرته عظيمة جداً لإنك هتلاقي نفسك عايزة تديهم من خبرتك وتعلميهم كل حاجة صح ولما تشوفي رد فعلهم بعدين وحبهم ليكي ده هيخليكي عايزة تشرحلهم أكتر وأكتر وتحافظي على حبهم ليكي.
علاقات عامة
الوظيفة ديه أساسها انك تتعاملي مع العملاء بتوع الشركة وكمان مع العملاء اللي حابين يكون فيه شراكة بينهم وبين الشركة وكونك هتبقي حلقة الوصل بينهم وبين الشركة فده هيحولك لإنسانة قادرة انها تتكلم وتتفاعل مع الناس وهتلاقي كمان الشركة بتكبر على ايديك.
الإذاعة
حاولي تتدربي في أي اذاعة حتى لو مش حاسة إن عندك الموهبة لأنها هتخليكي تقولي اللي جواكي وتوصليه لكل الناس وهتلاقي الناس اللي بيسمعوكي بشاركوكي في حالتك ويتكلموا معاكي ومين عارف ممكن تلاقي نفسك موهوبة فعلاً وتكوني مذيعة مشهورة في يوم من الأيام.
التمثيل
لو بتحبي التمثيل ونفسك من جواكي تكوني ممثلة، قدمي في أي ورشة تمثيل مسرح لأن المسرح هيخلي في تفاعل مباشر بينك وبين الجمهور ولما تسمعي صوت صقفة الجمهور ليكي على دورك ده هيخليكي حبة انك تمثلي في مسرحيات كتيرة عشان تسمعي صقفتهم.
أخر حاجة
قبل ما تقدمي في أي شغل من ده قدمي في كورس تنمية بشرية لأنه هيبقى دليلك في التعامل مع الناس في الشغل وفي حياتك :)
