مشغول عن صحابك؟.. 10 طرق تصالحهم بيها

 الشغل كل يوم والضغط اللي بيكون علينا بيخلينا مش عارفين نوفق بين السؤال على أصحابنا وظروف شغلنا، وطبعاً ده بيخلي أصحاب كتير يزعلوا لأننا مش بنسأل عنهم.

وعشان كدة في طرق بسيطة وسهلة بيقدمها ليكم موقع Buzz feed تقدروا تعملوها وتبسطوا بيها أصحابكوا :) عشان ميحسوش انكوا بعاد عنهم.

Tag

اعمل ليهم تاج في أي حاجة بتفكرك بيهم زي مثلاً لو صاحبك شبه حد من الممثلين أو صاحبتك كانت بتحب حاجة معينة والحاجة ديه حد كاتب عنها  :)

 عيد ميلاد 

أكيد في كتير من أصحابك مش بيعملوا عيد ميلادهم  فهيبقى حلو جداً لو عملت ليهم مفاجأة و روحت ليهم البيت واحتفلت بعيد ميلادهم وياهم وده هيفرحهم جداً.

مكالمة 

كلمهم في أي وقت تكون فاضي فيه حتى لو الوقت ده هيكون دقايق قليلة زي مثلاً لو نازل تجيب حاجة سريعة أو وقت البريك بتاعك في الشغل أو أي وقت تاني.

 المرض 

لما تعرف ان حد من أصاحبك تعبان روحلوا وخد معاك أكل يغذيه في فترة تعبه واكتبله رسالة انك قد ايه زعلت لما سمعت انه تعبان وانك يتتمنى انه يكون بخير.

أغنية 

ابعت ليهم لستة بالأغاني اللي حاسس انها هتعجبهم.

قول 

لو حد قالك على صاحبك كلام حلو، قولهان فلان قال عليك كلام حلو  لأن ده هيفرحه.

أكل 

هات لأصحابك أكل لو حسيت ان هما جعانين وطبعاً ده هيخليهم يتنططوا من الفرحة :D

وحشتوني وحشتوني 

لو مش بتتكلموا بقالكوا فترة كبيرة ابعت ليهم وقولهم انهم وحشوك :)

نوستالجيا

فكرهم بذكريات الطفولة والمدرسة ومواقفكوا مع المدرسين ومقالبكوا مع بعض :)

 

كارت

ابعتي ليهم  كارت فيه كلام حلو بدون أي سبب لأن كلامك ده هيفرق معاهم.