استمع إلى تصريحات أحمد حسام ميدو ضد أمير مرتضى
أثار لاعب نادي الزمالك السابق والذي احترف في صفوف عدد من أندية أوروبا، أحمد حسام ميدو، جدلا واسعا بعد تصريحاته ضد عائلة الرئيس السابق للنادي، مرتضى منصور، ونجله أمير.
ورد ميدو على مهاجمته من قبل أمير مرتضى على صورة ظهر فيها ميدو مع رئيس الأهلي محمود الخطيب، في مداخلة هاتفية مع البرنامج الإذاعي لكريم حسن شحاتة.
تصريحات ميدو ضد أمير مرتضى
وقال ميدو إنه واجه مرتضى منصور في عز قوته، مؤكدا أنه لم يحب الهجوم عليه في ضعفه بعد الإقصاء من منصب رئيس الزمالك.
وأضاف ميدو: «النهاردة مرتضى وولاده بيصدروا للناس إن في عداوة بين الأهلي والزمالك، والزمالك هيقع بعد مرتضى منصور.. الزمالك مش هيقع غصب عنك وعني وعن أمير وأحمد ومرتضى».
وتابع: «الناس دي بتأجر لجان إلكترونية بيهاجموني كل شهر.. أنا اتخانقت مع مرتضى في عزه وبعتلي بلطجية وبعلته بلطجية، ومكنتش عايز اتكلم عليه علشان محدش يقول مرتضى بيهاجمه وهو ضعيف».
وقال: «الراجل الجدع لما يخرج من الزمالك يخاف على الزمالك مش يهده وأنا بقولك مرتضى كل حربه يفشل الناس اللي شغاله واحنا مش هنسمح بكدا».
وهاجم أمير مرتضى منصور قائلا: «أمير مرتضى طالع يقول على ميدو إلى مزبلة التاريخ، انت مين يلا انت ولا حاجة، انت لولا أبوك واسم أبوك كنت ولا حاجة عيب احنا ناس محترمة وبنقدر الناس الكبيرة».
وأضاف: «بيأجروا عيال يشتمونا، يا أمير يا مرتضى لا انت ولا أبوك حاجة.. الأصول بتقول نحترم الكبير.. حسن شحاتة راجل كبير أحطه فوق دماغي ومينفعش أخش معاه في مشكلة زي محمود الخطيب لما أقابله في مكان ما أسلمش عليه؟، وكل يوم هشوفه هتصور معاه».
