كلمات أغنية فاضي شوية لحمزة نمرة بالفيديو

ينشر «شبابيك» كلمات أغنية فاضي شوية لحمزة نمرة من ألبومه الجديد مولود سنة 80، والذي يطرح أغنياته تباعا على قنواته الرسمية على تطبيقات التواصل الاجتماعي.

أغنية فاضي شوية من كلمات خليل عز الدين، وألحان حمزة نمرة، وتوزيع كريم عبدالوهاب، وجيتار مصطفى أصلان.

وتقول كلمات الأغنية: «آه يا سلام سينا الوقت يعدي أوام.. محسبناش اللحظة الجاية دا اسمه كلام عشنا العمر نربي حمام بس نسينا نقوم غية..

وما يهمكش عادي اسمع مني الساعة دي مش عتاب أو لوم.. فيها إيه لو نرجع تاني وبدل ما تكون وحداني تسندني معاك ونقوم..

فاضي شوية نشرب قهوة في حتة بعيدة اعزمني على نكتة جديدة وخلي حساب الضحك عليا..

فاضي شوية نشرب قهوة في حتة بعيدة اعزمني على نكتة جديدة وخلي حساب الضحك عليا..

دا احنا يا دوب مالحقناش نقرا المكتوب علشان نلقى هموم وقسية.. دا اسمه كلام عشنا العمر نربي حمام بس نسينا نقوم غية..

عارفك مشغول الأيام دي ما انا زيك بس عندي حكايات صعب أخبيها.. واكمنك داري بحالي مذاكرني وعارف مالي فاضي شوية نشرب قهوة في حتة بعيدة اعزمني على نكتة جديدة وخلي حساب الضحك عليا..

موج الدنيا أناني وعالي وانت لوحدك وانا لسه لي عمر هعيشه معاك لو يوم.. ماشي براحتك بس راهني على يوم منك وسنين مني إنك مبتعرفش تعوم..

وما يهمكش عادي اسمع مني الساعة دي مش وقت عتاب أو لوم فيها إيه لو نرجع تاني وبدل ما تكون وحداني تسندني معاك ونقوم..

فاضي شوية نشرب قهوة في حتة بعيدة اعزمني على نكتة جديدة وخلي حساب الضحك عليا.. فاضي شوية دا انا وحشاني القعدة معاك وإن مقدرتش تيجي هناك هستناك المرة الجاية».