حورية فرغلي بعد التجميل.. كيف أصبحت وماذا قالت؟
صدمت الممثلة المصرية حورية فرغلي جمهورها بتصريحات حديثة لها تحدثت عما صار إليه شكلها بعد عدد من العمليات لمعالجة مشاكل بالأنف.
حورية فرغلي بعد التجميل
واستهلت حورية فرغلي حديثها بأنه تنتظر فتح الطيران للولايات المتحدة الأمريكية للعلاج «مستنية السفارة تفتح علشان أسافر أعمل عملية مهمة جدا مش قادرة أطلع للجمهور دلوقتي لازم أعمل عملية».
وعن تفاصيل حالتها قالت بطلة مسلسل ساحرة الجنوب «نفس المشكلة ودلوقتي زاد إن دلوقتي لا في طعم ولا ريحة مبستطعمش الأكل ولو في ريحة ولا هشم إنها موجودة أصلا».
واشتكت حورية فرغلي من تعامل أهل الوسط الفني معها في أزمتها قائلة «مفيش غير أهلي ورانيا محمود ياسين ومحمد الدسوقي بتاع ساحرة الجنوب».
وبشأن إن أجرت عمليات تجميل قالت «أنا معملتش عمليات اتكسرت مناخيري جيت أصلحها لقيت نفسي مش عارفة أتنفس شكلها كان كويس لكن في مشكلة في النفس وفي الصوت وحاولت أصلحهم راح مبوظلي شكل مناخيري».
وحكت عن معاناتها مع الأطباء «كل دكتور يروح يبوظلي حاجة فأنا مش عايزة تجميل خالص أنا ملكة جمال مصر مش عايزة تجميل مشكلتي كلها إننا كنت عايزة استطعم الأكل وأشم ريحة وشكلها يرجع زي الأول».
وتابعت: «الغلط إني مكنتش المفروض أعمل 9 عمليات لكن واحدة في السنة والدكاترة بتوع أوروبا كان أهم حاجة عندهم الفلوس فكتر العمليات بوظ كل حاجة».
وأوضحت «في دكتور واحد بس اللي يقدر يرجع شكل مناخيري طبيعي ويرجع التذوق والشم في أمريكا والسفارة قافلة».
وقالت «أنا بقالي 9 شهور محبوسة في أوضة نومي مبخليش حد يشوفني ولا ببص على نفسي في المراية ومحدش عارف يعملي حاجة ودكتور واحد بس في العالم اللي عنده حل».
واختتمت «لو مرجعتش شكلي اللي الناس عارفاه أنا مش هرجع تاني دي حاجة مليش ذنب فيها أنا مكنتش بعمل تجميل كنت في بطولة دولية والحصان وقع بيا».
الصورة التالية من آخر ظهور لحورية فرغلي ومن تصريحاتها الأخيرة فإن الأمور أصبحت أسوأ معها ولا يمكن أن تظهر للجمهور على حالتها الآن.
