رئيس التحرير أحمد متولي
 تفاصيل خناقة محمد فؤاد وحلمي بكر بسبب أغنية في الحفلة

تفاصيل خناقة محمد فؤاد وحلمي بكر بسبب أغنية في الحفلة

أزمة شديدة تصاعدت بين المطرب محمد فؤاد من ناحية والموسيقار حلمي بكر من ناحية أخرى، بسبب أغنية فؤاد الأخير «في الحفلة».

أغنية محمد فؤاد الجديدة في الحفلة

كان الفنان محمد فؤاد قد طرح أغنيته الجديدة «في الحلفة» مع نهاية شهر ديسمبر 2020، لمشاركة جمهوره بالاحتفال برأس السنة.

إلا أن الأغنية تسبب في موجة كبيرة من السخرية والجدل بين أوساط متابعي محمد فؤاد بسبب أسلوبها الجديد على المطرب القدير.

وشبه العديد من الذين استمعوا للاغنية بأنها قريبة لنمط أغاني المهرجانات الجديدة التي تعتمد على نطق الكلمات بعيدا عن غنائها.

وتأتي أغنية فؤاد الجديدة من تلحين ملحن أغاني المهرجانات الشهير علاء فيفت، ومن كلمات الدبل زوكش.


​​​​​​​​​​​​​​تفاصيل خناقة محمد فؤاد وحلمي بكر

وبدأت أزمة محمد فؤاد وحلمي بكر، بعد أرسل الأخير برسالة من خلال إحدى الصحف المصرية لفؤاد.

وقال حلمي بكر في رسالته للمطرب محمد فؤاد : «أنت حر..بس أنت بِعت نفسك بالرخيص..وبعد كده هتعيط..انت دلوقتي مش حاسس بحاجة..لكن بكرة العياط هيملى المكان تحت رجليك».

ليرد محمد فؤاد على رسالة حلمي بكر، بقوله :«فيه بني آدميين أصعب من كورونا، ولازم أرد مدام الأمور وصلت لكدة، لأ هارد وردي هيزعل الأستاذ حلمي جدا، بس مش هقدر أزعله، ومش هقدر أعدي حدود الإنسانية والأخلاق اللي اتربيت عليها، ونقوله كلنا شد حيلك في أخو حضرتك، واحنا كلنا خدمينك، وأمرنا لو نقدر نعملك أي حاجة نعملهالك، كلامنا هيتأجل لبعدين، ومش هعدي الموضوع بالساهل».

وفي فؤاد في اتصال هاتفي مع الإعلامي سيد علي في برنامج «حضرة المواطن»، على قناة «الحدث اليوم» :«أنا النهاردة مش عاوز أزعله في أي كلمة عشان ظروفه، بس اللي كتبه إمبارح تجاوز لا يُغتفر، لو إنت مين مش هعديه عليك لحد ولا بيجي نحيتك ولا بيتناقش معاك في أمورك أو أعمالك».

وأضاف فؤاد :«أنا معيطش إلا على البلد، محدش يجرؤ يعيطني غير أخويا أو شهيد زميل أخويا أو أي شهيد في مصر أو بلدي لما تيجي تضيع، إيه اللفظ دة!؟، أنا عمري ما سمعت لك أغنية، ونازل تقطيع في الناس، وبياخد رزقه بشتم الناس».

وأوضح :«المهرجانات عمل موسيقي لابد أن تحترمه طالما الناس بتسمعه، لكن اللي يتجاوز في لفظ في المهرجانات أو غير المهرجانات يترفع عليه قضية ويتحبس، وأي حد يتجاوز الأدب والأخلاق وقيم ومبادئ الشعب والبلد يترفع عليه قضية يتحبس كبير أو صغير، لكن مقدرش أحجر على الموسيقى، احترم الناس اللي بتسمعها أيا كان مستواه».

أحمد الليثي

أحمد الليثي

صحفي مصري، عضو نقابة الصحفيين ومقيم بمحافظة المنوفية