تفاصيل حادث ابن ابن كامل ابو علي قاتل المهندسة ماي جايد
يتضمن حادث ابن ابن كامل ابو علي، رجل الأعمال المصري، والمتعلق بمقتل المهندسة ماي جايد اسكندر، بمدينة الغردقة، تفاصيل عديدة كشفتها تحريات المباحث، التي صدر بناءً عليها قرار النيابة اليوم.
قتل ماي جايد
ودشنت دينا شماع هاشتاج بعنوان حق ماي جايد، مي جايد واحدة من الناس، على موقع التواصل الاجتماعي- فيس بوك- سردت من خلاله كيف قتل هيثم كامل ابو علي ابنة عمتها.
حادث ابن كامل ابو علي
وكتبت دينا شماع تحت الهاشتاج المذكور: إذا لم تكن الحياة عادلة فإن الله هو العدل، ارقدي في سلام ابنة عمتي الجميلة من الداخل والخارج ماي جايد.
وأضافت شماع: احكي لكم حكاية بنت عمتي، بنت جميلة اسمها ماي اسكندر جايد،
أهلها تعبوا فيها وبقت مهندسة بتفرش أحلى بيوت في مصر، راحت الغردقة يوم الجمعه 22 يناير 2021 عشان عندها شغل هناك وكانت راجعة يوم السبت بس مارجعتش.
وتابعت شماع: كلنا لسه مش قادرين نفهم يعني إيه مارجعتش، وهنقعد كتير أوي مستنيينها ترجع مارجعتش، عشان كان في نفس الوقت واحد اسمه هيثم كريم كامل ابو علي، أقل ما يقال عنه إنه مستهتر.
وأضافت: كان سايق بسرعة جنونية وماشي عكس الاتجاه في الطريق بين سهل حشيش والجونة، وبيقولوا عمل حادث تصادم في سيارة أوبر، اللي كانت راكباها ماي، قتلها وقتلنا كلنا من وجعنا عليها وعلى حقها.
وتسائلت ابنة عمة الضحية: عملت إيه شابة، مهندسة، ناجحة، رايحة تاكل عيش، إنها ماترجعش؟ ازاي مش هترجع لحضن أهلها وأصحابها اللي مستنيينها ترجع عشان تكمل شغلها، ترجع عشان تعيش حياتها وتتمتع بشبابها؟ عشان هيثم كان مستعجل ولا كان تحت تأثير كحول أو مخدرات زي ما اتكتب في المحضر؟ بس يا رب يفضل مكتوب.
وواصلت شماع تدوينتها: أصل أهله ممكن يعملوا المستحيل عشان مايتحبسش، عشان يعيش حياته ويتمتع بشبابه ويفضل يعمل حوادث ويعور ويموت ناس و يدفعوا شوية فلوس، مش مشكلة، دي أبسط حاجة عندهم، ماهو كل مرة بيطلع عادي، اشمعنا المرة دي؟
وأجابت على سؤالها: عشان المرة دي ماي، وماي غالية أوي أوي يا هيثم والفلوس مش هترجعها، عشان أنت واللي زيك لازم تعرفوا ان فلوسكم مش هتحميكم مهما حميتكم زمان، عشان التهديدات والمحسوبيات مش هتنفع المرة دي، عشان ربنا حق وعدل وماي لها حق وكان لها حياة ومستقبل وأنت ضيعتهم.
وأردفت شماع: يمكن هي مشيت عشان تعلمنا المسئولية شوية، حبيبتي كانت دائمًا تقول لنا خلوا بالكم متسوقوش بسرعة، معقول هي اللي تروح هدر كدة في حادثة عربية؟ ربنا يرحمك يا ماي ويصبرنا ويقدرنا نيجيب لك حقك المرة دي
عشان انت واحدة من الناس اللي ماينفعش حقها يروح.
حبس هيثم ابن ابن كامل ابو علي
وحررت أسرة ماي جايد محضر برقم ٢٠٠١/٢٠٢١ جنح أول الغردقة، وأمرت نيابة البحر الأحمر بحبس المتهم هيثم حفيد رجل الأعمال الشهير كامل ابو علي 15 يوم على ذمة التحقيقات في واقعة دهس ماي جايد.
وكشفت التحريات عن أن حفيد رجل الأعمال كامل ابو علي كان يقود سيارته، متجهًا إلى الجونة، عبر طريق سهل حشيش، فجرًا ولم يكن ملتزمًا بتعليمات المرور من تشغيل إضاءة السيارة، ما أدى إلى اصطدامه بالسيارة التي استقلتها ماي جايد.
