سبب إيقاف برنامج تامر أمين وما قاله عن بنات الصعيد
أصدر المجلس الأعلى لتنظيم الإعلام، الجمعة، قرارًا بعقوبته، فما هو سبب إيقاف برنامج تامر أمين؟
وقررت هيئة المكتب بالمجلس الأعلى لتنظيم الإعلام إيقاف الإعلامي تامر أمين، مقدم برنامج آخر النهار على قناة النهار المصرية، لحين استدعاءه والتحقيق معه يوم الأحد الموافق 21 فبراير 2021.
سبب إيقاف برنامج تامر أمين
ويعد سبب إيقاف برنامج تامر أمين من المجلس الأعلى لتنظيم الإعلام، الصادر مساء الجمعة 19 فبراير، هو إساءة المذيع الشهير لقطاع كبير من المصريين، وهم أهل الصعيد في إحدى حلقات برنامجه.
وقال تامر أمين في إحدى حلقات برنامجه- آخر النهار-: في الريف وفي الصعيد فيه نسبة كبيرة جدًا بيخلفوا ولاد وبنات مش عشان يصرفوا عليهم ولا عشان يدخلوهم التعليم ويتعلموا ويكبروا ويتوظفوا أو يبقى عندهم فرص عمل ولا بتاع، لا، دول بيخلفوهم عشان العيال دي هي اللي تصرف على الأب والأم.
وجاءت اتهامات تامر أمين لأهالي الصعيد تلك في إطار انتقاده للزيادة السكانية في مصر، وهي ما أثارت غضب أهالي الصعيد والتي تسببت في إصدار قرار المجلس الأعلى للإعلام بإيقاف برنامجه المذاع على قناة النهار.
نص اعتذار الإعلامي تامر أمين للصعايدة
وعاد الإعلامي تامر أمين مرة أخرى ليعتذر لأهالي الصعيد عما بدر منه من تصريحات اعتبروها مسيئة لهم ولأسرهم، قال فيه: والله مقصدش الإهانة، انا ابنكم سامحوني وبقول لكل صعيدي وصعيدية جزمتكم على رأسي من فوق، أقدم اعتذار واضح وصريح لا بأس فيه لكل أهالينا في الصعيد وفي كل مكان بمصر.
وأضاف أمين: اللي زعلانين مني انا لا هكابر ولا بقاوح، انا من الناس اللي بتعتذر لما تحس ان الناس زعلانة منها حتى لو كانت نيتي يعلم بها ربنا خير وكان الهدف هو المصلحة العامة، انا أكثر حاجة تضايقني في الدنيا ان واحد صعيدي بس أو واحدة صعيدية يزعلوا مني وانا من أكثر المؤمنين بالصعيد واحترام الصعيد وعزة نفس الصعيد وكرامة الصعيد وأهل الصعيد.
وتابع: صعيد مصر هم أصل مصر اللي طلعوا لنا الناس المفكرين والأدباء والناس الشريفة المحترمة، والله مقصدش الإهانة أبدًا ودي آخر حاجة تيجي على دماغي وآخر حاجة في الدنيا ان يبقى حد صعيدي زعلان مني.
واختتم تامر أمين اعتذاره بقوله: فانا بقول لكل صعيدي وصعيدية جزمتكم على رأسي من فوق وانا ابنكم وابن ريف مصر ونسايبي أساسًا من الصعيد وبتشرف بها وبالنسب ده، أرجوكم متزعلوش مني وحتى لو كان قصدي خير بس لو واحد فيكم زعلان انا بقول له حقك عليا وانا آسف، اعتذار صريح، وهذا الاعتذار سينشر في كل مكان.
