إصابة بقنبلة أثناء التصوير إعلان محمد رمضان الجديد تثير الجدل
شهد تصوير إعلان جديد من بطولة الفنان محمد رمضان جدلا واسعا بسبب إصابة بالغة تعرض لها فنان آخر.
إصابة إعلان محمد رمضان
واتهمت لبنى ونس، محمد رمضان، بعد تعرض نجلها الفنان الشاب يوسف عمر لإصابة بالغة خلال تصوير إعلانه الجديد لصالح لعبة «Free Fire» الذي يقوم ببطولته رمضان.
وكتبت لبنى ونس عبر صفحتها على فيس بوك: «إذا عملنا كل حاجة طبيعية وحقيقية كنا هَلَكنا، ولا تُلقوا بأيديكم إلى التهلُكه. يعنى إذا في مشهد يا أستاذ محمد التمساح بياكلك نترحم عليك ويبقى آخر مشهد في حياتك! في مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه في اللوكيشن كأنه إله هو المِحور والكل يدور حوله».
تابعت: «هل ممكن تتعرض لما حدث لابني في التصوير معاك، مستحيل طبعًا بتعمل أكشن وبتبقى عارف قبلها كل تفاصيله مرة واتنين وعشرة واللي عاجبك بتوافق عليه واللي مش عاجبك بتغيره»
وأضافت: «يعنى القنبلة اللي زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كدة ليه؟! أنت بني آدم وابني مش بني آدم أنت أغلى الناس عند والدتك ويوسف نن عيني ومافيش أغلى من الضنا حط ابنك مكان يوسف هاتقول برضه كله في حبكم يهون».
واختتمت كلامها قائلة: «بس أرجع وأقولك ابني ربنا هايجبله حقه من اللي اسمه عصام الوريث ده اللي ميعرفش أبجديات عمله اللي بيستبيح حياة الشباب عشان يحقق الطبيعية المزعومة، الغلط اللي حضرتك بتتكلم عنها حق ابني إن شاء الله هايرجعله مش هاسيبه عشان يبطل سي الوريث ده أنه يستهين بحياه الناس، سؤال بقى لما نموت سيادة النجم هايندفن فين؟ الديان والعدل والحق موجود واعتمدنا عليك يا رب».
وأثير جدلا واسعا على مواقع التواصل الاجتماعي بين متعاطفين مع لبنى ونس وابنها، ومدافعين عن محمد رمضان محملين الخطأ للمخرج والمسؤولين عن الإعلان.
لبنى ونس هي ممثلة مصرية، قامت بتقديم أدوار صغيرة في عدة أعمال سينمائية وتليفزيونية، منها شحاذون ونبلاء، الراقصة والشيطان، ضحك ولعب وجد وحب وفي التليفزيون عملت في وما زال النيل يجري، الوعد الحق، خالتي صفية والدير.
