أزمة مها أحمد والسقا وأمير كرارة وسبها لأحدهم بالنذل

أزمة كبيرة أثارتها الفنانة مها أحمد مع الفنانين أحمد السقا وأمير كرارة، بعد منشور نشرته على صفحتها الشخصية سبت أحدهم فيه بلفظ النذل.

وسرعان ما انتشر منشور الفنانة مها أحمد، وفسره البعض بأنهم شماته في أحمد الممثلين أحمد السقا أو أمير كراره حيث ينطبق وصفها في المنشور عليهما فقط.

وربطت المواقع الإخبارية ومتابعي مواقع التواصل الاجتماعي منشور مها أحمد الذي اعتبره البعض بالتشفي، مع الأزمة التي نشأت عقب انتهاء مسلسل نسل الأغراب بطولة الفنانيين أحمد السقا وأمير كرارة.

وذلك بعد قرار الشركة المتحدة وصاحبها المنتج تامر مرسي، بإيقاف التعامل مع المخرج محمد سامي مخرج مسلسل نسل الأغراب نهائيا.

منشور مها أحمد ضد أحمد السقا وأمير كرارة

ترى ماذا قالت مها أحمد زوجة الفنان مجدي كامل، نقيب الممثلين، عن كل من أحمد السقا وأمير كراره جعل الدنيا تقم ولم تقعد.

البداية جاءت مع منشور طويل مها أحمد على صفحتها الخاصة في فيسبوك، قالت فيه :«عوضي على الله دى الجملة اللى دايما بقولها لما اتصدم في أشخاص.. الحكاية ياسادة نجمين عملوا مسلسل واتنجمت عليهم بنوتة لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أى زميلة لهم أقربها أنا».

وفي نفس المنشور قالت مها أحمد :«النجم الأولاني بيني وبينه عيش وملح وزمالة رشحت فمسلسل بطولته وكان بيقنعني بدور ولما وافقت بعتولي دور تاني معرفوش دور متعملوش واحدة مبتدئة المفروض إنه عارف قيمتي الفنية وعارف أني إضافة له..اتهرب منى وموقفش جنبي وباعني رغم أن الكل عارف اني زي اخته (ندل)».

وجاء في منشور مها أحمد أيضاً :«أما التاني كان فبداياته يتمنى يسلم عليا ويقولي يا أستاذه نزلت من نفسى وقلتله مش هنشتغل مع بعض ماهي الحوجة مرة..رد وقالي الدور بينادي صاحبه..طبعا محكلكوش قد أيه ندمت نفسي وعشت أسود أيام حياتي عياط واكتئاب..وقلت عوضي عليك يارب..تمر الأيام والاتنين يعلو ويتجمعوا مع بعض فمسلسل واحد -على عينهم طبعا- ويمثلوا وحش قوي تمثيل الكفار وطلعوا كمان مبيقروش اللي بيمثلوه وربنا يركب عليهم بنوته سنة أولى تمثيل وخبرة ويتحول المسلسل والدعاية الدراما كاملة لصالحها وهما مخدماتية للاستاذة.. يمهل ولا يهمل».

واختتمت مها أحمد، منشورها المطول بقولها : «ابدأوا من جديد يا أوفر تمثيل ياللي مبتقروش ياكمبارس جنب النجمة..نصيحة بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا عوضنا على الله يارب متحوجنا لحد حتى ولو كان اقرب الناس لينا».

رد والدة أحمد السقا على مها أحمد

وسرعان ما تحول الأمر إلى معركة كلامية وسجال بين مها أحمد وعائلة أحمد السقا الذي فضل الصمت.

والبداية كانت معا والدة أحمد السقا، السيد نادية السقا، التي علقت على منشور مها أحمد بشكل حاد.

وقال نادية السقا والدة أحمد السقا، في منشور على صفحتها الشخصية على فيسبوك، قائلة :«ع الأصل دور..كومبارس فاشلة تتطاول وتسب فنانين كبار..وتعلق فشلها عليهم..تبحث عن الشهرة بطريقة بذيئة..مهما حاولتي يا كومبارس..ليس لك مكان بين الفنانين المحترمين..وان طلع العيب من أهل العيب ما يبقاش عيب».

رد أخت أحمد السقا على مها أحمد

ولم يتوقف الأمر عند والدة أحمد السقا وفقط، بل رد أخت أحمد السقا، فاطمة، على مها أحمد، هي الأخرى.

 وأشارت فاطمة السقا إلى مها أحمد في منشور لها عبر صفحتها الشخصية، قالت فيه : «الكلام ده موجه ليكي يا أستاذة..بدل ما تفضلي تمسحي ردي كل شوية أبهرتيني يا مها بأخلاقك العالية..وبأنك افتكرتى العيش والملح اللى كلتيه فى البيت..بتاع الفنان اللي مش عارفة تقولى اسمه..بس عرفتى تقولى عليه (ندل) اللي هو أحمد السقا..بس أنا بقولك قدام الناس..قطع لسان أي حد يقول عليه كده لأنه راجل أكرمك ووقف جنبك..انتي ومجدي بدل المرة ألف..وأمير كرارة ردو راجل جدع  ومحترم للي ما يعرفهوش في البوس بتاعك ده..معرفش إيه الفرص اللى كانت عندك اللى كان يتمنى يشتغل معاكى فيها زمان..بس هو أى حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام..ما بتتقالش في الحقيقة كفايا دراما وتشويه للناس..وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج، الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاى كنتى بتدخلى بيوتنا الصراحة وأنت ست وحشة كده.. نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال».

​​​​​​​

موقف أحمد السقا من سبه

وتمثل موقف أحمد السقا بعد سبه من الفنانة مها أحمد، بأنه تجاهل الأمر ونشر صوره له راكباً حصان، عبر صفحته على موقع التواصل الاجتماعي انستجرام، معلقاً عليها بجملة :«صباح الخير».

موقف أمير كراره من سبه

وفي رد أمير كراره على هجوم الفنانة مها أحمد عليه، علق على منشور أحد الصحفيين، على صفحة التواصل الاجتماعي بقوله : «كل الوسط الفني كبار وصغيرين عارفين السقا وكرارة موقفهم إيه مع زمايلهم وإخواتهم الفنانين كبار وصغيرين وشكرًا».