الجاكيت الجلد والقطعتين.. تشتريه بكام ومنين؟
الشتا عند الشباب بيقتصر في الجاكيت، لأنه تقريبا هو اللي بيرسم الشكل العام للبس، وينتظر الشباب موضة الجاكيت الجديدة لكل سنة عشان التميز والتجديد في الشكل.
ومن حوالي سنتين ظهرت موضة الجاكت القطعتين لأنه أنيق وبيدفي ومريح في لبسه واستمر لحد دلوقتي، وبيجي بعده في الأهمية الجاكيت الجلد اللي ما اتخلاش عن مكانته عند الشباب من سنين.
"شبابيك" هيقدملك تشكيلة الجاكيت للسنة دي وأسعارها والأماكن اللي بتقدمها في منطقة وسط في القاهرة بأسعار أقل .
Rock
هتلاقي فيه الجاكيت القطعتين بسعر يتراوح ما بين 500 إلى 550 جنيه، والمعروف منه بالألوان الأسود والبني ونزل منه الأزرق السنة دي.
ولو شايف السعر غالي، ممكن تجيب البديل بنفس الشكل أو قريب منه ب 300 إلى 375 جنيه من شارع 26 يوليو وخصوصاً جولدن مان هاوس .
Newborn
هتلاقي عنده الجاكيت القطعتين بـ 500 جنيه، أما الجاكيت الجلد بيوصل سعره ل 700 جنيه والبديل الأقرب ليه هيكون "3 إكس" بفرعيه في طلعت حرب بـ 350 جنيه .
Active
جاكيت Active القطعتين بـ 450 جنيه، وبيقدم الجاكيت الجلد المبطن بفرو من الداخل بـ 650 جنيه، والبديل هيكون موجود في شوارع 26 يوليو ومول طلعت حرب بـ300 : 400 جنيه .
