«سويت شيرتات» شتاء 2016 بأسعار تبدأ من 140 جنيها
"السويت شيرتات" بقى حاجة اساسية في لبس الشباب في فصل الشتاء، خصوصاً مع تنوع طريقة لبسه، هتلاقي ناس بتلبسه تحت الجاكيت، وناس يتلبسه على تيشيرت أو القميص.
"شبابيك" هيعرفك في التقرير ده على أماكن تشتري منها "سويت شيرت" بأسعار مناسبة وخامة جيدة.
Winner
بيعرض «السويت تيشرت» بياقة بـ 350 جنيه، وممكن تشتري البديل بتاعة من محل "فلاش" على ناصية طلعت حرب بـ 200 جنيه بس .
Boss
بيقدم النوعية دي بدون ياقة "السبعة" بسعر من 250 وحتى 290 جنيه، وتقدر تجيب حاجة بنفس لشكل من "collecte" بشارع علوي في وسط البلد بـ 140 جنيه بس .
وميزة النوعية دي من «السويت تبشرت » إنها متنوعة الاستخدام سواء تحت الجاكيت أو على القميص أو بدون .
Lacoste
ده بقى ملك التيشرتات وتشكيلاتها سواء شتوي أو صيفي، هو اسعاره غالية شوية لكن مضمونة وشيك.
هتلاقي "سويت تيشرت" صوف بياقة مع زراير رأسية بميل ناحية اليمين بـ 500 جنيه، البديل وأقرب حاجة منه منتشرة في 26 يوليو وطلعت حرب (وسط البلد) مع ألوان إسود وأبيض بـ 200 إلى 300 جنيه .
NIKE
لعشاق الكاجوال بيقدم في الشتا ده مجموعة من "سويت تيشرت هودي"، (ظعبوط) بأسعار ما بين 250 جنيه و 400 جنيه مع خامات كتير.
وهتلاقي نفس النوعية موجودة بأسعار تبدأ من 150 حتى 190 جنيه في محل "كاجوال" في مول طلعت حرب .
