كليب تامر حسني وحلا شيحة الذي فجر أزمة اعتزالها (فيديو)

أثارت الفنانة المعتزلة حلا شيحة أزمة في الوسط الفني خلال الساعات الأخيرة بالهجوم الذي شنته على المطرب تامر حسني بنشر فيديو كليب يجمعه بها من فيلمهما الأخير «مش أنا».

اعتزال حلا شيحة

نشرت حلا شيحة صورة تجمعها بزوجها الداعية معز مسعود في 25 يونيو الماضي، وأرفقتها بتعليق: «بحمد ربنا اني أخيرا لقيت التوازن بين إني اكون سعيدة في حياتي وفي نفس الوقت أكون صادقة مع نفسي واللي مؤمنة بيه من جوايا ، أما بالنسبة لفيلم (مش أنا) الحقيقة انه تم تصويره من اكتر من سنة ونص وبسبب ظروف كورونا أتأخر جدا نزوله وانا كمان حالي اتغير واتجوزت الحمد لله والفيلم فعلا بقى (مش أنا) وباتمنى التوفيق لكل زملائي».

كليب تامر حسني وحلا شيحة

ونشر تامر حسني فيديو كليب لأغنية بحبك على حسابه على إنستجرام بتاريخ 14 يوليو.

الأغنية من ألحان الحان محمد سراج، وتوزيع توما، وإنتاج حسام حسني، وإخراج سارة وفيق، وقصة وسيناريو وحوار تامر حسني.

حلا شيحة تهاجم تامر حسني

وتبرأت حلا شيحة من الأغنية بمنشور آخر على إنستجرام كتبت فيه: «كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه ..

و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي ..

احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح

انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح

بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى ..

انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا .

الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن

احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا».

تامر حسني يرد

وبرأ تامر حسني نفسه من اتهامات حلا شيحة له، مشيرا أنه لم يعدها بعدم نشر الفيديو.

​​​​​​​