رئيس التحرير: أحمد متولي

فيديو الرئيس السيسي يمازح مجند.. المنايفة أنا عارفهم كويس خاصة بتوع أشمون

فيديو الرئيس السيسي يمازح مجند.. المنايفة أنا عارفهم كويس خاصة بتوع أشمون

أجرى رئيس الجمهورية، الرئيس عبد الفتاح السيسي، حوار مع أحد المجندين المرافقين له مازحه فيه، قائلاً «المنايفة أنا عارفهم كويس خاصة بتوع أشمون».

جاء ذلك في مقطع مصور، ظهر فيه الرئيس عبد الفتاح السيسي مستقلاً دراجة وبرفقته عدد من المجندين.

وذلك في ثالث أيام عيد الأضحى المبارك داخل مدينة العلمين الجديدة، حيث تحدث الرئيس عبد الفتاح السيسي بشكل ودي مع المجند.

وقال الرئيس عبد الفتاح السيسي للمجند :«خليك دوغري يا أيمن، المنايفة دول أنا عارفهم كويس، خاصة بتوع أشمون، وقولي عايز إيه؟».

ورد المجند :«أنا والدي من المنوفية ومولود هناك، بس أنا مولود في العامرية بالإسكندرية، وعندي 29 سنة وعندي مكتبة مأجرها، بس أنا عايز شغل، لما أخلص خدمتي وجيشي السنة اللي جاية اشتغل في عمل ثابت»

وعلق الرئيس عبد الفتاح السيسي على حديث المجند، قائلاً :«أنت لسة صغير، وإن شاء الله تخلص الجيش في شهر أبريل»، وسأله السيسي «لو المكتبة اللي عندك دي عايز تاخد واحدة أكبر منها تبقي بكام في الشهر؟».

 ورد المجند الشاب قائلاً :«هيبقى إيجارها حوالي 3 آلاف جنيه في الشهر يا ريس، بس هتبقى في مكان كويس، وتكسب أكتر لأن المكتبة اللي أنا واخدها دلوقتي دي بـ300 جنيه في الشهر، والناس الكبار اللي جنبي مبيخلوش الصغير يكبر».

فيما رد الرئيس السيسي على المجند، بقوله :«عيب هزعل منك، وأقولك أنا أطحن نفسي ومكلش ومنمش ولا حد يغلبني أبداً وأبقى جامد وقوي، العيل بيتجاب له أكل وشرب بس ولا كل حاجة على بعضها من تعليم وأكل وشرب وتواصل عشان يطلع متربي كويس أو متربية كويس، إزاي أعمل ده وأنا مشغول في شغلي، الأم طبعا بتعمل شغل البيت، وتقدر توفر ده إزاي، أنك تجيب أو متجيبش، بقولك عشان متقولش الظروف صعبة».

واختتم الرئيس السيسي حديثه مع المجند بتهنئته بعيد الأضحى قائلًا: «كل سنة وأنت طيب يا أيمن، سلملي على والدك»، ووجه الرئيس بأخذ بيانات المجند.

أحمد الليثي

أحمد الليثي

صحفي مصري، عضو نقابة الصحفيين ومقيم بمحافظة المنوفية

ميكس ميديا