شاهد استغاثة إيفون نبيل المحبوسة في بيتها بواسطة زوجها وتحرك للداخلية

نشرت سيدة مصرية تدعى إيفون نبيل استغاثة عبر حسابها الرسمي على موقع التواصل الاجتماعي «فيسبوك» للمطالبة بإنقاذها وأطفالها من زوجها الذي يحتجزها في منزلها.

فيديو إيفون نبيل

وقالت إيفون: «أنا حاليا محبوسة في بيتي، جوزي خد مني اللابتوب والموبايل وخبيت الموبايل ده علشان أعرف اطلع منه، وغير باسورد كل حاجة.. في مشاكل بيني وبين جوزي من سنين ومش بجيب سيرتها بس أنا بتهدد كتير قوي ومش عارفة أعمل إيه».

وأضافت: «أنا مش عارفة أنزل من البيت جوزي آخر حاجة طلع بيسجل مكالمات بيني وبينه.. هو في أمان واحد بيسجل لمراته؟.. أنا حياتي بتنهار وبقالي 8 سنين بتهدد.. قالي متشتغليش قولت علشان العيال يمكن عنده حق بس اتحولت لخدامة في البيت».

وتابعت: «فكرت في يوم من الأيام إيه البديل قولت أصور فيديوهات وأنا في البيت بس بيقولي انتي حاجة عرة انتي فاشلة كأم وكمذيعة ومن فترة قالي إلغي كل حاجة واقفلي الصفحة بتاعتك لإنه شايف الناس بتديني طاقة إيجابية».

وقالت: «أرجوكم بلغوا أي حد أنا عايزة اطلع من البيت ده أنا وعيالي بيهددني ياخد عيالي ويسفرهم ومش عارفة أعمل إيه ومش معايا حد غير ربنا.. أهو شغال في جهات كبيرة وأنا بتوجه لأي حد سامعني ييجي ياخدني أنا وعيالي».

وأضافت: «8 سنين بيقولي إن أنا ست فاشلة بكل المقاييس وهو شخص نرجسي.. حد ينقذني علشان حياتي بتبوظ، عايزة أطلع أنا وولادي بس مش أكتر من كده».

واختتمت: «أنا عايزه حل طلاق أو خلع أو أي حاجة انفصل عنه.. مش عارفه أكلم الكنيسة أقولها إيه الكنيسة مش سلطة تقدر تنقذني أو تعملي حاجة».

وكشفت تقارير محلية أن وزارة الداخلية قالت إنه فى استجابة سريعة للأجهزة الأمنية لما تم تداوله لمقطع فيديو على موقع التواصل الاجتماعي «فيسبوك» يتضمن استغاثة إحدى السيدات من قيام زوجها بمنعها من استخدام حساباتها على موقع التواصل الاجتماعي وتهديدها بالإيذاء واحتجازها وأنجالها بمنزلها الكائن بالزيتون بالقاهرة لوجود خلافات زوجية بينهما، وعلى الفور قامت الأجهزة الأمنية باتخاذ كافة الإجراءات القانونية.